Tafseer-e-Madani

اِتَّبِعْ : تم چلو مَآ اُوْحِيَ : جو وحی آئے اِلَيْكَ : تمہاری طرف مِنْ : سے رَّبِّكَ : تمہارا رب لَآ اِلٰهَ : نہیں کوئی معبود اِلَّا هُوَ : اس کے سوا وَاَعْرِضْ : اور منہ پھیر لو عَنِ : سے الْمُشْرِكِيْنَ : مشرکین

پیروی کرتے رہو آپ اس وحی کی جو بھیجی گئی ہے آپ کی طرف آپ کے رب کی جانب سے (اے پیغمبر) کوئی بھی عبادت کے لائق نہیں سوائے اس کے، اور منہ موڑ لو تم ان مشرکوں سے

203 پیغمبر کو وحی خداوندی کی پیروی کا حکم و ارشاد : سو ارشاد فرمایا گیا کہ آپ پیروی کرتے رہو اس وحی کی جو بھیجی گئی ہے آپ کی طرف آپ کے رب کی جانب سے کہ راہ بہرحال وہی ہے جسکی ہدایت آپکو کی گئی ہے۔ امن وامان اور صحت و سلامتی کی ضامن اور دارین کی سعادت و سرخروئی اور فوز و فلاح کی کفیل یہی اور صرف یہی راہ ہے۔ کوئی مانے یا نہ مانے، تسلیم کرے یا نہ کرے۔ حق و حقیقت بہرحال یہی اور صرف یہی ہے۔ اور جو اس حق اور حقیقت کو تسلیم کرکے صدق دل سے اس کو اپنا لیں گے وہ اپنا بھلا کریں گے اور جو اس سے منہ موڑیں گے وہ اپنا ہی نقصان کریں گے ۔ والعیاذ باللہ العظیم ۔ بہرکیف آیت کریمہ میں پیغمبر کو خطاب کر کے ارشاد فرمایا گیا ہے کہ آپ اس وحی ہی کی پیروی کریں جو آپ کی طرف آپ کے رب کی طرف سے بھیجی جاتی ہے کہ حق بہرحال یہی اور صرف یہی ہے ۔ وباللہ التوفیق ۔ سو اس سے واضح فرما دیا گیا کہ پیغمبر کا کام اتباع اور پیروی کرنا ہوتا ہے اس وحی کی جو ان کی طرف ان کے رب کی جانب سے بھیجی جاتی ہے اور بس۔ اور وحی کے ذریعے جو تعلیم دی جاتی ہے اس کی بنیاد توحید خداوندی ہے اسی لیے یہاں پر پیغمبر کو وحی کی اتباع و پیروی کے حکم وارشاد کے بعد ارشاد فرمایا گیا کہ کوئی بھی عبادت کے لائق نہیں سوائے اس وحدہ لا شریک کے اور منہ موڑ لو تم ان مشرکوں سے۔ سو اس سے واضح فرما دیا گیا کہ پیغمبر کا کام اتباع اور پیروی کرنا ہوتا ہے اس وحی کی جو ان کی طرف ان کے رب کی جانب سے بھیجی جاتی ہے اور بس۔

Top