تدبرِ قرآن
Tadabbur-e-Quran · 25. Al-Furqaan · Ayah 36
فَقُلْنَا اذْهَبَاۤ اِلَى الْقَوْمِ الَّذِیْنَ كَذَّبُوْا بِاٰیٰتِنَا١ؕ فَدَمَّرْنٰهُمْ تَدْمِیْرًاؕ﴿36﴾
- فَقُلْنَاپس ہم نے کہا
- اذْهَبَآتم دونوں جاؤ
- اِلَى الْقَوْمِقوم کی طرف
- الَّذِيْنَ كَذَّبُوْاجنہوں نے جھٹلایا
- بِاٰيٰتِنَاہماری آیتیں
- فَدَمَّرْنٰهُمْتو ہم نے تباہ کردیا انہیں
- تَدْمِيْرًابری طرح ہلاک
مقصود یہاں چونکہ اجمالی اشارہ ہے اس وجہ سے پوری بات دو فقروں میں سمیٹ دی گئی ہے۔ مطلب یہ ہے کہ ہم نے اپنے ان دونوں رسولوں کو اپنی نشانیوں کے ساتھ ان لوگوں کی طرف بھیجا لیکن انہوں نے ان تمام نشانیوں کو سحرقرار دے کر ان کی تکذیب کردی جس کی سزا بالآخر ان کو یہ ملی کہ ہم نے ان کو یک قلم پامال کردیا۔ اس میں نبی ﷺ کے لئے یہ تسلی ہے کہ جن کے دل مسخ ہوچکے ہوتے ہیں وہ کسی طرح بھی ہدایت قبول نہیں کرتے یہاں تک کہ وہ دو دو رسولوں اور ان کے تمام معجزات کی بکے وقت تکذیب کردیتے ہیں اور اس میں ساتھ ہی قریش کو یہ تنبہ ہے کہ اگر انہوں نے بھی فرعون اور اس کی قوم کی روش کی تقلید کی تو کوئی وجہ نہیں ہے کہ ان کا انجام ان سے کچھ مختلف ہو !