81. At-Takwirالتكوير
The Overthrowing · Meccan · 29 ayahs · 1 rukus · مولانا عبد السلام بھٹوی
بِسْمِ اللّٰهِ الرَّحْمٰنِ الرَّحِیْمِ
اِذَا الشَّمْسُ كُوِّرَتْ۪ۙ﴿1﴾
جب سورج لپیٹ دیا جائے گا۔وَ اِذَا النُّجُوْمُ انْكَدَرَتْ۪ۙ﴿2﴾
اور جب ستارے بےنور ہوجائیں گے۔وَ اِذَا الْجِبَالُ سُیِّرَتْ۪ۙ﴿3﴾
اور جب پہاڑ چلائے جائیں گے۔وَ اِذَا الْعِشَارُ عُطِّلَتْ۪ۙ﴿4﴾
اور جب دس ماہ کی حاملہ اونٹنیاں بےکار چھوڑ دی جائیں گی۔وَ اِذَا الْوُحُوْشُ حُشِرَتْ۪ۙ﴿5﴾
اور جب جنگلی جانور اکٹھے کیے جائیں گے۔وَ اِذَا الْبِحَارُ سُجِّرَتْ۪ۙ﴿6﴾
اور جب سمندر بھڑکائے جائیں گے۔وَ اِذَا النُّفُوْسُ زُوِّجَتْ۪ۙ﴿7﴾
اور جب جانیں ملائی جائیں گی۔وَ اِذَا الْمَوْءٗدَةُ سُئِلَتْ۪ۙ﴿8﴾
اور جب زندہ دفن کی گئی (لڑکی) سے پوچھا جائے گا۔بِاَیِّ ذَنْۢبٍ قُتِلَتْۚ﴿9﴾
کہ وہ کس گناہ کے بدلے قتل کی گئی ؟وَ اِذَا الصُّحُفُ نُشِرَتْ۪ۙ﴿10﴾
اور جب اعمال نامے پھیلائے جائیں گے۔وَ اِذَا السَّمَآءُ كُشِطَتْ۪ۙ﴿11﴾
اور جب آسمان کی کھال اتاری جائے گی۔وَ اِذَا الْجَحِیْمُ سُعِّرَتْ۪ۙ﴿12﴾
اور جب جہنم بھڑکائی جائے گی۔وَ اِذَا الْجَنَّةُ اُزْلِفَتْ۪ۙ﴿13﴾
اور جب جنت قریب لائی جائے گی۔عَلِمَتْ نَفْسٌ مَّاۤ اَحْضَرَتْؕ﴿14﴾
ہر جان، جان لے گی جو لے کر آئی۔فَلَاۤ اُقْسِمُ بِالْخُنَّسِۙ﴿15﴾
پس نہیں، میں قسم کھاتا ہوں ان (ستاروں) کی جو پیچھے ہٹنے والے ہیں !الْجَوَارِ الْكُنَّسِۙ﴿16﴾
جو چلنے والے ہیں، چھپ جانے والے ہیں !وَ الَّیْلِ اِذَا عَسْعَسَۙ﴿17﴾
اور رات کی جب وہ جانے لگتی ہے !وَ الصُّبْحِ اِذَا تَنَفَّسَۙ﴿18﴾
اور صبح کی جب وہ سانس لیتی ہے !اِنَّهٗ لَقَوْلُ رَسُوْلٍ كَرِیْمٍۙ﴿19﴾
بیشک یہ یقینا ایک ایسے پیغام پہنچانے والے کا قول ہے جو بہت معزز ہے۔ذِیْ قُوَّةٍ عِنْدَ ذِی الْعَرْشِ مَكِیْنٍۙ﴿20﴾
بڑی قوت والا ہے، عرش والے کے ہاں بہت مرتبے والا ہے۔مُّطَاعٍ ثَمَّ اَمِیْنٍؕ﴿21﴾
وہاں اس کی بات مانی جاتی ہے، امانت دار ہے۔وَ مَا صَاحِبُكُمْ بِمَجْنُوْنٍۚ﴿22﴾
اور تمہارا ساتھی ہرگز کوئی دیوانہ نہیں ہے۔وَ لَقَدْ رَاٰهُ بِالْاُفُقِ الْمُبِیْنِۚ﴿23﴾
اور بلاشبہ یقینا اس نے اس (جبریل) کو (آسمان کے) روشن کنارے پر دیکھا ہے۔وَ مَا هُوَ عَلَى الْغَیْبِ بِضَنِیْنٍۚ﴿24﴾
اور وہ غیب کی باتوں پر ہرگز بخل کرنے والا نہیں۔وَ مَا هُوَ بِقَوْلِ شَیْطٰنٍ رَّجِیْمٍۙ﴿25﴾
اور وہ ہرگز کسی مردود شیطان کا کلام نہیں۔فَاَیْنَ تَذْهَبُوْنَؕ﴿26﴾
پھر تم کہاں جا رہے ہو ؟اِنْ هُوَ اِلَّا ذِكْرٌ لِّلْعٰلَمِیْنَۙ﴿27﴾
یہ اس کے علاوہ کچھ نہیں کہ جہانوں کے لیے نصیحت ہے۔لِمَنْ شَآءَ مِنْكُمْ اَنْ یَّسْتَقِیْمَؕ﴿28﴾
اس کے لیے جو تم میں سے چاہے کہ سیدھا چلے۔وَ مَا تَشَآءُوْنَ اِلَّاۤ اَنْ یَّشَآءَ اللّٰهُ رَبُّ الْعٰلَمِیْنَ۠ع﴿29﴾
اور تم نہیں چاہتے مگر یہ کہ اللہ چاہے، جو سب جہانوں کا رب ہے۔