تدبرِ قرآن
Tadabbur-e-Quran · 41. Fussilat · Ayah 20
حَتّٰۤى اِذَا مَا جَآءُوْهَا شَهِدَ عَلَیْهِمْ سَمْعُهُمْ وَ اَبْصَارُهُمْ وَ جُلُوْدُهُمْ بِمَا كَانُوْا یَعْمَلُوْنَ﴿20﴾
- حَتّىٰٓیہاں تک کہ
- اِذَاجب
- مَا جَآءُوْهَاوہ آئیں گے اس کے پاس
- شَهِدَگواہی دیں گے
- عَلَيْهِمْان پر
- سَمْعُهُمْان کے کان
- وَاَبْصَارُهُمْاور ان کی آنکھیں
- وَجُلُوْدُهُمْاور انکی جلدیں (گوشت پوست)
- بِمَااس پر
- كَانُوْا يَعْمَلُوْنَجو وہ کرتے تھے
فرمایا کہ جب دوزخ کے پاس سب اکٹھے ہو لیں گے تو یہ معلوم کرنے کے لئے کہ کون کس درجہ کا مجرم اور جنم کے کس طبقہ کا سزا وار ہے اللہ تعالیٰ کو کوئی زحمت پیش نہیں آئے گی اس لئے کہ اس دن کئی اپنے کسی عمل کو چھپا نہیں سکے گا۔ آدمی کے کان، آنکھ، بلکہ اس کے جسم کے رونگٹے تک اس کے تمام اعمال کی گواہی دیں گے۔
لفظ ’ جلود ‘ یہاں خاص کے بعد عام کی حیثیت سے آیا ہے۔ ’ سمع ‘ اور ’ بصر ‘ کا خاص گواہ ہونا تو واضح ہے کہ ہر چیز کے سننے اور دیکھنے والے یہی ہیں لیکن آدمی کے پاس اور بھی اعضا وجوارح ہیں جن سے وہ بدی یا نیکی میں کام لیتا ہے۔ لفظ ’ جلود ‘ نے ان سب کا احاطہ کرلیا ہے۔ گویا اس دن آدمی کے بدن کارواں دواں گوای کے لئے زبان بن جائے گا۔ یہ امر یہاں ملحوظ رہے کہ لفظ ’ جلود ‘ قرآن مجید میں رونگٹوں کے مفہوم میں آیا ہے۔ آیت تتشعر منہ حلود الذین… الآیۃ (الزمر : 23) کے تحت لفظ کے اس مفہوم پر ہم روشنی ڈال چکے ہیں۔