تدبرِ قرآن
Tadabbur-e-Quran · 30. Ar-Room · Ayah 47
وَ لَقَدْ اَرْسَلْنَا مِنْ قَبْلِكَ رُسُلًا اِلٰى قَوْمِهِمْ فَجَآءُوْهُمْ بِالْبَیِّنٰتِ فَانْتَقَمْنَا مِنَ الَّذِیْنَ اَجْرَمُوْا١ؕ وَ كَانَ حَقًّا عَلَیْنَا نَصْرُ الْمُؤْمِنِیْنَ﴿47﴾
- وَلَقَدْ اَرْسَلْنَااور تحقیق ہم نے بھیجے
- مِنْ قَبْلِكَآپ سے پہلے
- رُسُلًابہت سے رسول
- اِلٰىطرف
- قَوْمِهِمْان کی قومیں
- فَجَآءُوْهُمْپس وہ ان کے پاس آئے
- بِالْبَيِّنٰتِکھلی نشانیوں کے ساتھ
- فَانْتَقَمْنَاپھر ہم نے انتقام لیا
- مِنَسے
- الَّذِيْنَ اَجْرَمُوْا ۭوہ جنہوں نے جرم کیا (مجرم)
- وَكَانَاور ہے
- حَقًّاحق (ذمے)
- عَلَيْنَاہم پر (ہمارا)
- نَصْرُمدد
- الْمُؤْمِنِيْنَمومن (جمع)
ولقد ارسلنا من قبلک رسلا الی قومھم فجاء وھم بالبینت فانتقمنا من الذی ارموا وکان احق علینا نصر المومنین (47)
یہ اسی اوپر والی حقیقت کو تاریخ کی روشنی میں واضح فرمایا ہے کہ تم دنیا میں پہلے رسول نہیں ہو بلکہ تم سے پہلے بھی ہم رسول بھیج چکے ہیں تو ماری جو سنت ان کے معاملے میں ظاہر ہوچکی ہے وہی تمہارے معاملے میں بھی ظاہر ہوگی۔ تم سے پہلے جو رسول آئے وہ بھی تمہاری طرح اپنی قوموں کے پاس کھلی کھلی نشانیاں اور دلیلیں لے کر آئے لیکن ان کی قوموں نے ان نشانیوں اور حجتوں کی قدر کرنے کے بجائے مجرمانہ روش اختیار کی اور اپنے رسولوں اور ان پر ایمان لانے والوں کی دشمن بن گئیں۔ بالآخر ان کی اس مجرمانہ روش کا نتیجہ یہ نکلا کہ ہم نے ان سے ان جرائم کا انتقامل لیا جن کی وہ اہل حق کے باب میں مجرم ہوئیں۔ اس لئے کہ اہل ایمان کی نصرت ہم پر حق ہے۔ مطلب یہ ہے کہ یہی معاملہ تمہارے دشمنوں کے ساتھ بھی ہوگا تم مطمئن رہو۔