تدبرِ قرآن
Tadabbur-e-Quran · 13. Ar-Ra'd · Ayah 32
وَ لَقَدِ اسْتُهْزِئَ بِرُسُلٍ مِّنْ قَبْلِكَ فَاَمْلَیْتُ لِلَّذِیْنَ كَفَرُوْا ثُمَّ اَخَذْتُهُمْ١۫ فَكَیْفَ كَانَ عِقَابِ﴿32﴾
- وَلَقَدِاور البتہ
- اسْتُهْزِئَمذاق اڑایا گیا
- بِرُسُلٍرسولوں کا
- مِّنْ قَبْلِكَتم سے پہلے
- فَاَمْلَيْتُتو میں نے ڈھیل دی
- لِلَّذِيْنَ كَفَرُوْاجنہوں نے کفر کیا (کافر)
- ثُمَّپھر
- اَخَذْتُهُمْمیں نے ان کی پکڑ کی
- فَكَيْفَسو کیسا
- كَانَتھا
- عِقَابِمیرا بدلہ
وَلَقَدِ اسْتُهْزِئَ بِرُسُلٍ مِّنْ قَبْلِكَ فَاَمْلَيْتُ لِلَّذِيْنَ كَفَرُوْا ثُمَّ اَخَذْتُهُمْ ۣ فَكَيْفَ كَانَ عِقَابِ۔
تاخیر عذاب کی حکمت : اب یہ اس بات کی حکمت واضح فرما دی کہ ان کی ضد اور ان کے مطالبۂ عذاب کے باوجود ان پر جو عذاب نہیں آرہا ہے تو اس کی وجہ صرف یہ ہے کہ اللہ ان کو اتنی مہلت دے رہا ہے کہ ان پر اس کی حجت پوری ہوجائے۔ فرمایا کہ تم سے پہلے بھی رسولوں کا ان کی قوموں کی طرف سے مذاق ارایا گیا لیکن ہم نے اس کے باوجود ان کو مہلت دی، پھر پکڑا تو دیکھو کیسا پکڑا اور ہامرا عذاب کیسا درد انگیز ہوا۔ یہی معاملہ ان کے ساتھ بھی ہوگا۔ " عقاب " اصل میں عقابی ہے۔ قافیہ کی رعایت سے " ی " گر گئی۔ کسرہ اس کی یاد گار ہے۔