تدبرِ قرآن
Tadabbur-e-Quran · 11. Hud · Ayah 113
وَ لَا تَرْكَنُوْۤا اِلَى الَّذِیْنَ ظَلَمُوْا فَتَمَسَّكُمُ النَّارُ١ۙ وَ مَا لَكُمْ مِّنْ دُوْنِ اللّٰهِ مِنْ اَوْلِیَآءَ ثُمَّ لَا تُنْصَرُوْنَ﴿113﴾
- وَاور
- لَا تَرْكَنُوْٓانہ جھکو
- اِلَىطرف
- الَّذِيْنَوہ جنہوں نے
- ظَلَمُوْاظلم کیا انہوں نے
- فَتَمَسَّكُمُپس تمہیں چھوئے گی
- النَّارُآگ
- وَمَااور نہیں
- لَكُمْتمہارے لیے
- مِّنْ دُوْنِسوا
- اللّٰهِاللہ
- مِنْکوئی
- اَوْلِيَآءَمددگا۔ حمایتی
- ثُمَّپھر
- لَا تُنْصَرُوْنَنہ مدد دئیے جاؤگے
وَلَا تَرْكَنُوْٓا اِلَى الَّذِيْنَ ظَلَمُوْا فَتَمَسَّكُمُ النَّارُ ۙ وَمَا لَكُمْ مِّنْ دُوْنِ اللّٰهِ مِنْ اَوْلِيَاۗءَ ثُمَّ لَا تُنْصَرُوْنَ۔
ایمان لانے والوں کو جادہ حق پو استقامت کی تلقین : یہ آپ پر ایمان لانے والوں کو تنبیہ ہے کہ خوف یا طمع کسی چیز سے متاثر ہو کر ان لوگوں کی طرف مائل نہ ہونا جنہوں نے ظلم یعنی شرک و کفر کا ارتکاب کیا ہے ورنہ وہی دوزخ کی آگ تمہیں بھی اپنی گرفت میں لے لے گی جو ان کے لیے مقدر ہے اور اس وقت خدا کے مقابل میں تمہار کوئی مددگار نہ ہوگا۔ ثم لاتنصرون۔ یعنی اگر تم ان کفار و مشرکین کی طرف ذرا بھی مائل ہوئے تو جس نصرت کا اس دنیا میں تم سے وعدہ کیا جا رہا ہے اس سے محروم ہی رہوگے۔ یہ وعدہ استقامت کی شرط کے ساتھ مشروط ہے۔ اس کے بغیر تم خدا کی نصرت کے سزاوار نہیں ہوسکتے۔