Tafseer-e-Baghwi

وَ وَهَبْنَا لَهٗۤ اِسْحٰقَ وَ یَعْقُوْبَ١ؕ كُلًّا هَدَیْنَا١ۚ وَ نُوْحًا هَدَیْنَا مِنْ قَبْلُ وَ مِنْ ذُرِّیَّتِهٖ دَاوٗدَ وَ سُلَیْمٰنَ وَ اَیُّوْبَ وَ یُوْسُفَ وَ مُوْسٰى وَ هٰرُوْنَ١ؕ وَ كَذٰلِكَ نَجْزِی الْمُحْسِنِیْنَۙ

وَ : اور وَهَبْنَا : بخشا ہم نے لَهٗٓ : ان کو اِسْحٰقَ : اسحق وَيَعْقُوْبَ : اور یعقوب كُلًّا : سب کو هَدَيْنَا : ہدایت دی ہم نے وَنُوْحًا : اور نوح هَدَيْنَا : ہم نے ہدایت دی مِنْ قَبْلُ : اس سے قبل وَ : اور مِنْ : سے ذُرِّيَّتِهٖ : ان کی اولاد دَاوٗدَ : داود وَسُلَيْمٰنَ : اور سلیمان وَاَيُّوْبَ : اور ایوب وَيُوْسُفَ : اور یوسف وَمُوْسٰي : اور موسیٰ وَهٰرُوْنَ : اور ہارون وَكَذٰلِكَ : اور اسی طرح نَجْزِي : ہم بدلہ دیتے ہیں الْمُحْسِنِيْنَ : نیک کام کرنے والے

اور ہم نے انکو اسحاق (علیہ السلام) اور یعقوب (علیہ السلام) بخشے (اور) سب کو ہدایت دی۔ اور پہلے نوح (علیہ السلام) کو بھی ہدایت دی تھی اور ان کی اولاد میں سے داؤد اور سلیمان (علیہ السلام) اور ایوب (علیہ السلام) اور یوسف (علیہ السلام) اور موسیٰ (علیہ السلام) اور ہارون (علیہ السلام) کو بھی۔ یہ ہم نیک لوگوں کو ایسا ہی بدلہ دیا کرتے ہیں

(84) (ووھبنا لہ اسحق و یعقوب ط کلا ھدینا ونو حا ھدینا من قبل) ہم نے توفیق دی اور سیدھا راستہ دکھایا اور نوح (علیہ السلام) کو ہم نے ہدایت کی ان سب سے پہلے ) یعنی ابراہیم (علیہ السلام) سے پہلے (ومن ذرینہ) یعنی نوح (علیہ السلام) کی اولاد میں سے۔ یہاں ابراہیم (علیہ السلام) کی اولاد مراد نہیں کیونکہ ان میں یونس اور لوط (علیہما السلام) کا بھی تذکرہ ہے اور یہ ابراہیم (علیہ السلام) کی اولاد میں سے نہیں ہیں۔ (دائود) یہ دائود بن ایشا ہیں (وسلیمان) یعنی دائود (علیہ السلام) کے بیٹے۔ (وایوب ) یہ ایوب بن اموص بن رازح بن روم ابن عیص بن اسحاق بن ابراہیم (علیہ السلام) ہیں۔ (ویوسف اور یوسف) یہ یوسف بن یعقوب بن اسحاق بن ابراہیم (علیہ السلام) پر (وموسیٰ اور موسیٰ ) یہ موسیٰ بن عمران بن یصحربن فاھث ابن لادی بن یعقوب بن اسحاق بن ابراہیم (علیہ السلام) (وھرون) یہ موسیٰ (علیہ السلام) کے بھائی ہیں ان سے ایک سال بڑے تھے (وکذلک ) یعنی جس طرح نے ابراہیم (علیہ السلام) کو ان کی توحید پر بدلہ دیا کہ ان کے درجات بلند کئے اور ان کو ایسی اولاد دی جو نبیا ور متقی تھی اسی طرح (نجزی المحسنین) ان کی نیکی پر۔ ان انبیاء (علیہم السلام) کا آیت میں ذکر ان کے زمانے کی ترتیب پر نہیں ہے۔

Top