تدبرِ قرآن
Tadabbur-e-Quran · 50. Qaaf · Ayah 44
یَوْمَ تَشَقَّقُ الْاَرْضُ عَنْهُمْ سِرَاعًا١ؕ ذٰلِكَ حَشْرٌ عَلَیْنَا یَسِیْرٌ﴿44﴾
- يَوْمَجس دن
- تَشَقَّقُشق ہوجائے گی
- الْاَرْضُزمین
- عَنْهُمْان سے
- سِرَاعًا ۭجلدی کرتے ہوئے
- ذٰلِكَ حَشْرٌیہ حشر
- عَلَيْنَاہمارے لئے
- يَسِيْرٌآسان
یوم تشقق الارض عنھم سرعاً ط ذلک حشر علینا یسیر 44
قیامت کے دن قبروں سے نکلنے کی تصویر
یہ اس دن لوگوں کے قبروں سے نکلنے کی تصویر ہے۔ فرمایا کہ نفخ صور کے بعد زمین ان کے اوپر سے پھٹ جائے گی اور وہ اس سے نہایت تیزی سے نکلتے ہوئے ہوں گے۔ سراعاً ، ضمیر مجور سے حال پڑا ہوا ہے۔ اس تیزی سے نکلنے کی تصویر قرآن کے دوسرے مقامات میں اس طرح کھینچی گئی ہے کہ جس طرح پتنگے اور ٹڈیاں نکلتی ہیں اسی طرح لوگ قبروں سے نکلیں گے۔
ذلک حشر علینا یسیر، یعنی کوئی اس مغالطے میں نہ رہے کہ لوگوں کو زمین سے برآمد کرنے کے لئے کوئی بڑا اہتمام کرنا پڑے گا جو ہم نہیں کر پائیں گے یا اس میں بڑا وقت صرف ہوگا۔ یہ سارا کام چشم زدن میں چٹکی بجاتے ہوگا۔ یہ ہمارے لئے نہایت آسان ہے۔