تدبرِ قرآن
Tadabbur-e-Quran · 47. Muhammad · Ayah 33
یٰۤاَیُّهَا الَّذِیْنَ اٰمَنُوْۤا اَطِیْعُوا اللّٰهَ وَ اَطِیْعُوا الرَّسُوْلَ وَ لَا تُبْطِلُوْۤا اَعْمَالَكُمْ﴿33﴾
- يٰٓاَيُّهَااے
- الَّذِيْنَجو لوگ
- اٰمَنُوْٓاایمان لائے
- اَطِيْعُوا اللّٰهَاطاعت کرو اللہ کی
- وَاَطِيْعُوااور اطاعت کرو
- الرَّسُوْلَرسول کی
- وَلَا تُبْطِلُوْٓااور باطل نہ کرو
- اَعْمَالَكُمْاپنے اعمال
یایھا الذین امنوا اطیعوا اللہ وا طیعوا الرسول ولا تبطلوآ اعمالکم 33
خدا کی اطاعت اپنے ذاتی مصالح سے بالاتر ہو کر کرو
خطاب اگرچہ عام ہے لیکن انداز کلام دلیل ہے کہ روئے سخن خاص طور پر ان کی کمزور قسم کے مسلمانوں ہی کی طرف ہے جن کا ذکر اوپر سے چلا آ رہا ہے فرمایا کہ اے لوگو ! جو ایمان لائے ہو، تمہارے اس ایمان کا لازمی تقاضا ہے کہ اللہ اور اس کے رسول کی اطاعت کرو۔ قرینہ دلیل ہے کہ یہاں فعل اطیعوا اپنے کامل اور حقیقی مفہوم میں ہے اس وجہ سے اس کا صحیح مدعا یہ ہوگا کہ ہر طرح کے حالات میں اپنے ذاتی مفادات و مصالح سے بےپروا ہو کر اللہ اور رسول کے ہر حکم کی اطاعت کو۔
ولا طبطلوا اعمالکم یعنی اسی طرح کی اطاعت سے تمہارے اعمال مثمر اور نتیجہ خیز ہوں گے اگر تم نے اس اطاعت کو اپنے مصالح کے تابع رکھا تو یاد رکھو کہ تمہایر تمام اعمال برباد ہوجائیں گے اگرچہ وہ اعمال دین ہی کے ہوں۔ اللہ تعالیٰ کے ہاں ایمان صرف وہی قبول ہوتا ہے جو اس کے شرائط کے کے مطابق ہو، جو لوگ اپنے شرائط پر ایمان لانا اور صرف اپنے مصالح کے حد تک اس کی اطاعت کرنا چاہتے ہیں ان کی دینداری ان کے منہ پر پھینک ماری جانی ہے تو اس طرح کی کوئی بات کر کے اپنے اعمال رائیگاں نہ کرو۔