تدبرِ قرآن
Tadabbur-e-Quran · 45. Al-Jaathiya · Ayah 25
وَ اِذَا تُتْلٰى عَلَیْهِمْ اٰیٰتُنَا بَیِّنٰتٍ مَّا كَانَ حُجَّتَهُمْ اِلَّاۤ اَنْ قَالُوا ائْتُوْا بِاٰبَآئِنَاۤ اِنْ كُنْتُمْ صٰدِقِیْنَ﴿25﴾
- وَاِذَا تُتْلٰىاور جب پڑھی جاتی ہیں
- عَلَيْهِمْان پر
- اٰيٰتُنَاہماری آیات ۔ نشانیاں
- بَيِّنٰتٍروشن
- مَّا كَانَنہیں ہوتی
- حُجَّتَهُمْان کی حجت
- اِلَّآمگر
- اَنْ قَالُوایہ کہ وہ کہتے ہیں
- ائْتُوْالاؤ
- بِاٰبَآئِنَآہمارے باپ دادا کو
- اِنْ كُنْتُمْاگر ہو تم
- صٰدِقِيْنَسچے
واذا تتلی علیھم ایتنا بینت ما کان حجتھم الا ان قالوا ائنوا بابآئنا ان کنتم صدقین 25
قرآن کے دلائل کے مقابل میں کفار کی واحد ڈھال
یہ ان کے اس گمان کی وضاحت ہے جس کو انہوں نے قرآن کے واضح دلائل کے مقابل میں اپنا رہنما بنایا۔ فرمایا کہ جب قیامت کے باب میں ان کو ہماری نہایت واضح ایٓتیں سنائی جاتی ہیں تو واحد چیز جس کو وہ ان کی تردید میں اپنی حجت بناتے ہیں وہ پیغمبر ﷺ اور ان کے ساتھیوں سے ان کا یہ مطالبہ ہوتا ہے کہ اگر تم لوگ اپنے اس دعوے میں سچے ہو تو ہمارے باپ دادا کو جو وفات پا چکے ہیں، زندہ کر کے لائو۔
حجتھم کان کی خبر ہے یہی مضمون سورة عنکبوت میں بھی ذرا مختلف الفاظ میں آیا ہے فما کان جواب قومہ الا آن قالوا ائتنا بعذاب اللہ ان کنت میں الصدقین 29 (ان کی قوم کا جواب صرف ان کا یہ قول ہوا کہ اگر تم سچے ہو تو اللہ کا عذاب ہم پر لا دکھائو حجت سے مراد ان کا جواب ہی ہے لیکن اپنے زعم میں وہ اس کو ایک قاطع حجت خیال کرتے تھے اس وجہ سے بطور طنز قرآن نے اس کو حجت سے تعبیر فرمایا مقصد یہ دکھانا ہے کہ اتنے بڑے مسئلہ میں اگر انہوں نے سہارا لیا تو ایک ایسے جواب کا سہارا لیا جس کو نہ اصل بحث سے کوئی دور یا قریب کا واسطہ ہے اور نہ عقل و منطق سے اس کا کوئی تعلق ہے بلکہ یہ محض ان کا ایک بےبنیاد یال ہے لیکن یہ اس خوش فہمی میں مبتلا ہیں کہ قرآن جس چیز سے ڈرا رہا ہے اس سے ان کی جان چھوٹ گئی۔