تدبرِ قرآن
Tadabbur-e-Quran · 41. Fussilat · Ayah 30
اِنَّ الَّذِیْنَ قَالُوْا رَبُّنَا اللّٰهُ ثُمَّ اسْتَقَامُوْا تَتَنَزَّلُ عَلَیْهِمُ الْمَلٰٓئِكَةُ اَلَّا تَخَافُوْا وَ لَا تَحْزَنُوْا وَ اَبْشِرُوْا بِالْجَنَّةِ الَّتِیْ كُنْتُمْ تُوْعَدُوْنَ﴿30﴾
- اِنَّبیشک
- الَّذِيْنَوہ جنہوں نے
- قَالُوْاانہوں نے کہا
- رَبُّنَا اللّٰهُہمارا رب اللہ
- ثُمَّپھر
- اسْتَقَامُوْاوہ ثابت قدم رہے
- تَتَنَزَّلُاترتے ہیں
- عَلَيْهِمُان پر
- الْمَلٰٓئِكَةُفرشتے
- اَلَّا تَخَافُوْاکہ نہ تم خوف کھاؤ
- وَلَا تَحْزَنُوْااور نہ غمگین ہو
- وَاَبْشِرُوْااور تم خوش ہو
- بِالْجَنَّةِجنت پر
- الَّتِيْوہ جو
- كُنْتُمْ تُوْعَدُوْنَتمہیں وعدہ دیاجاتا تھا
ان الذین قالوا ربنا اللہ ثم استقاموا تتنزل علیھم الملٓئکۃ الاتخافوا ولا تخزنوا و ابشروا بالجنۃ التی کنتم توعدون (30)
ایمان پر ثابت قدم رہنے والوں کو بشارت
قیامت کے دن مخالفین حق کا جو حشر ہوگا اس کو سنانے کے بعد اب یہ ان لوگوں کا حال بیان ہو رہا ہے جنہوں نے رسول کی دعوت قبول کرلی اور پھر تمام مخالفتوں سے بےپروا ہہو کر پوری یکسوئی و دلجمعی کے ساتھ، اس پر جم گئے۔ فرمایا کہ قیامت کے دن فیصلہ امور سے پہلے ان کی دلداری و تسلی کے لئے ان کے پاس اللہ کے فرشتے آئیں گے جو ان کو اطمینان دلائیں گے کہ بس اب آپ لوگوں کی آزمائش کا دور ختم ہوا، اب آپ کے لئے نہ کوئی خوف ہے نہ کوئی غم، اب آپ لوگ اس جنت کی بشارت قبول کریں جس کا نبیوں اور رسولوں کے ذریعہ سے دنیا میں آپ لوگوں سے وعدہ کیا جاتا رہا ہے۔