تدبرِ قرآن
Tadabbur-e-Quran · 36. Yaseen · Ayah 9
وَ جَعَلْنَا مِنْۢ بَیْنِ اَیْدِیْهِمْ سَدًّا وَّ مِنْ خَلْفِهِمْ سَدًّا فَاَغْشَیْنٰهُمْ فَهُمْ لَا یُبْصِرُوْنَ﴿9﴾
- وَجَعَلْنَااور ہم نے کردی
- مِنْۢسے
- بَيْنِ اَيْدِيْهِمْان کے آگے
- سَدًّاایک دیوار
- وَّمِنْ خَلْفِهِمْاور ان کے پیچھے
- سَدًّاایک دیوار
- فَاَغْشَيْنٰهُمْپھر ہم نے انہیں ڈھانپ دیا
- فَهُمْپس وہ
- لَا يُبْصِرُوْنَدیکھتے نہیں
وجعلنا من بین ایدیھم سدا ومن خلفھم سدا فاغشینھم فھم لا یبصرون (9)
یہ اوپر والے مضمون ہی کی وضاحت ہے کہ اس طرح ہم نے ان کے آگے اور پیچھے دونوں طرف سے اوٹ کھڑی کردی ہے اور ان کی آنکھوں پر پٹی باندھ دی ہے جس کے سبب سے انہیں کچھ سمجھائی نہیں دے رہا ہے۔ ان کی اسی حالت پر سورة سبا میں اظہارِ تعجب فرمایا ہے : افلم یروا الی مابین ایدھیم وما خلفھم من السماء والارض (9) (کیا ان لوگوں نے ان کے آگے اور پیچھے جو آسمان و زمین ہیں ان پر نگاہ نہیں ڈالی ؟) اس طرح کے متکبرین کے متعلق یہ بات بھی یاد رکھنی چاہیے کہ یہ اپنی پچھلی روایات اور اپنے مستقبل کے مطالع کے غلام ہوتے ہیں۔ یہ دونوں چیزیں ان کی راہ میں اس طرح روک بن جاتی ہیں کہ ان سے ہٹ کر وہ کوئی چیز دیکھنے کے قابل رہ ہی نہیں جاتے۔