تدبرِ قرآن
Tadabbur-e-Quran · 34. Saba · Ayah 7
وَ قَالَ الَّذِیْنَ كَفَرُوْا هَلْ نَدُلُّكُمْ عَلٰى رَجُلٍ یُّنَبِّئُكُمْ اِذَا مُزِّقْتُمْ كُلَّ مُمَزَّقٍ١ۙ اِنَّكُمْ لَفِیْ خَلْقٍ جَدِیْدٍۚ﴿7﴾
- وَقَالَاور کہا (کہتے ہیں
- الَّذِيْنَ كَفَرُوْاجن لوگوں نے کفر کیا (کافر)
- هَلْکیا
- نَدُلُّكُمْہم بتلائیں تمہیں
- عَلٰيپر۔ کا
- رَجُلٍایسا آدمی
- يُّنَبِّئُكُمْوہ خبر دیتا ہے تمہیں
- اِذَاجب
- مُزِّقْتُمْتم ریزہ ریزہ ہوجاؤ گے
- كُلَّ مُمَزَّقٍ ۙپوری طرح ریزہ ریزہ
- اِنَّكُمْبیشک تم
- لَفِيْالبتہ میں
- خَلْقٍ جَدِيْدٍزندگی نئی
وقال الذین کفروا ھل نہ تکبر علی رجل ینتئیکم اذ مزقتم کل ممزق انکم لفی خلق جدید (7)
اہل ایمان کی روش کی طرف اشارہ کرنے کے بعد اب یہ ان لوگوں کی روش بیان ہو رہی ہے جو علم کی روشنی سے محروم، کفر کے اندھیرے میں، بھٹک رہے ہیں۔ فرمایا کہ ان لوگوں کا حال یہ ہے کہ وہ تمہارا اور تمہاری دعوت کا مذاق اڑا رہے ہیں۔ لوگوں سے کہتے ہیں کہ آئو ہم تمہیں ایک ایسا سر پھرا دکھائیں جو خدا کا رسول بن کر یہ منادی کرتا پھر رہا ہے کہ لوگ مر کر جب بالکل ریزہ ریزہ ہوجائیں گے تو وہ از سرِ نو زندہ کرکے اٹھائے جائیں گے ! گویا ان کے نزدیک یہ بات اس قابل بھی نہیں کہ اس کی تردید میں کوئی دلیل دی جائے۔