تدبرِ قرآن
Tadabbur-e-Quran · 27. An-Naml · Ayah 93
وَ قُلِ الْحَمْدُ لِلّٰهِ سَیُرِیْكُمْ اٰیٰتِهٖ فَتَعْرِفُوْنَهَا١ؕ وَ مَا رَبُّكَ بِغَافِلٍ عَمَّا تَعْمَلُوْنَ۠ع﴿93﴾
- وَقُلِاور فرما دیں
- الْحَمْدُتمام تعریفیں
- لِلّٰهِاللہ کے لیے
- سَيُرِيْكُمْوہ جلد دکھا دے گا تمہیں
- اٰيٰتِهٖاپنی نشانیاں
- فَتَعْرِفُوْنَهَاپس تم پہچان لوگے انہیں
- وَمَااور نہیں
- رَبُّكَتمہارا رب
- بِغَافِلٍغافل (بےخبر)
- عَمَّااس سے جو
- تَعْمَلُوْنَتم کرتے ہو
یعنی ان سے کہہ دو کہ اللہ ہی شکر کا سزا وار ہے جس نے مجھ پر قرآن کی یہ نعمت اتاری اور میں وہ تم کو سنارہا ہوں۔ اگر تم اس کی قدر نہیں کر رہے ہو اور مجھ سے نشانیوں کا مطالبہ کر رہے ہو تو وہ وقت بہت جلد آ رہا ہے جب وہ تمہیں اپنی نشانیاں دکھائے گا اس وقت تمہیں پتہ چلے گا کہ میں نے تمہیں کتنی سچی باتیں بتانی تھیں لیکن تم نے اپنی بدبختی سے ان کی قدر نہیں کی۔ فتعرفونھا یعنی اس وقت تم جانو گے کہ کسی نے اس انجام سے تمہیں آگاہ کیا تھا لیکن تم نے اس کو جھٹلایا اور اپنی یہ شامت بلائی۔ مگر اس جاننے کا کوئی فائدہ نہیں ہوگا۔
وماربک بغافلعما تعملون یعنی اس غلط فہمی میں نر ہو کہ تم جو شرارتیں کر رہے ہو خدا اس سے بیخبر ہے وہ ہر چیز سے باخبر ہے اور تمہاری خبر لے گا لیکن اس کے ہاں ہر چیز کا ایک وقت مقرر ہے۔
ان سطروں پر اس سورة کی تفسیر اللہ تعالیٰ کی توفیق سے انجام کو پہنچی۔ فالحمد للہ علی ذلک