تدبرِ قرآن
Tadabbur-e-Quran · 22. Al-Hajj · Ayah 71
وَ یَعْبُدُوْنَ مِنْ دُوْنِ اللّٰهِ مَا لَمْ یُنَزِّلْ بِهٖ سُلْطٰنًا وَّ مَا لَیْسَ لَهُمْ بِهٖ عِلْمٌ١ؕ وَ مَا لِلظّٰلِمِیْنَ مِنْ نَّصِیْرٍ﴿71﴾
- وَيَعْبُدُوْنَاور وہ بندگی کرتے ہیں
- مِنْ دُوْنِ اللّٰهِاللہ کے سوا
- مَاجو
- لَمْ يُنَزِّلْنہیں اتاری اس نے
- بِهٖاس کی
- سُلْطٰنًاکوئی سند
- وَّمَااور جو۔ جس
- لَيْسَنہیں
- لَهُمْان کے لیے (انہیں)
- بِهٖاس کا
- عِلْمٌکوئی علم
- وَمَااور نہیں
- لِلظّٰلِمِيْنَظالموں کے لیے
- مِنْ نَّصِيْرٍکوئی مددگار
ایک اور غلط فہمی کا ازالہ
یہ ایک اور غلط فہمی بھی رفع فرما دی کہ جس دن خدا انصاف کے لئے بیٹھے گا تو اس دن کوئی ان ظالموں کا مددگار نہ بن سکے گا۔ جن چیزوں کو انہوں نے خدا کا شریک و شفیع بنا رکھا ہے ان کی کوئی حقیقت نہیں ہے نہ خدا نے ان کے حق میں کوئی پروانہ جاری کیا ہے کہ وہ اس کی خدائی میں شریک ہیں اور نہ ان کے اپنے ہی پاس ان کے باب میں کوئی علم ہے۔ خدا کے اذن کے بدوں کسی کے متعلق یہ دعویٰ کرنا کہ خدا نے اس کو اپنا شریک بنایا ہے اللہ پر افتراء ہے جو ایک جرم عظیم ہے اور جس چیز کے بارے میں کوئی عقلی و فطری دلیل نہیں ہے اس کو معبود بنانا محض ظن کی پیروی و ہے اور ظن علم اور حق کا قائم مقام نہیں ہوسکتا۔