تدبرِ قرآن
Tadabbur-e-Quran · 20. Taa-Haa · Ayah 128
اَفَلَمْ یَهْدِ لَهُمْ كَمْ اَهْلَكْنَا قَبْلَهُمْ مِّنَ الْقُرُوْنِ یَمْشُوْنَ فِیْ مَسٰكِنِهِمْ١ؕ اِنَّ فِیْ ذٰلِكَ لَاٰیٰتٍ لِّاُولِی النُّهٰى۠ع﴿128﴾
- اَفَلَمْ يَهْدِکیا ہدایت نہ دی
- لَهُمْانہیں
- كَمْکتنی ہی
- اَهْلَكْنَاہم نے ہلاک کردیں
- قَبْلَهُمْان سے قبل
- مِّنَ الْقُرُوْنِقومیں۔ جماعتیں
- يَمْشُوْنَوہ چلتے پھرتے ہیں
- فِيْ مَسٰكِنِهِمْان کے مساکن میں
- اِنَّبیشک
- فِيْمیں
- ذٰلِكَاس
- لَاٰيٰتٍالبتہ نشانیاں ہیں
- لِّاُولِي النُّهٰىعقل والوں کے لیے
افلم یھدلھم کا صحیح مفہوم ہماری زبان میں یہ ہوگا کہ کیا فلاں چیز ان کے لئے ہدایت دینے والی اور ان کی آنکھیں کھونے الی نہ بنی ؟
نشانی عذاب کے مطالبہ کا جواب
یہ کتاب الٰہی سے اعراض کرنے والوں کے مطالبہ نشانی عذاب کا جواب ہے۔ فرمایا کہ ان کو عذاب سے ڈرایا جاتا ہے۔ بہ سانی عذاب کا مطالبہ کرتے ہیں تو کیا یہ چیز ان کو ہدایت دینے والی نہ بنی کسان سے پہلے ہم نیکتنی ہی قوموں کو اپنی تذکیر و تنبیہ سے اعراض کرنے کی پاداش میں ہلاک کردیا اور وہ قومیں کسی دوسرے خطہ ارضی کی نہیں بلکہ اسی ملک کی رہنے بسنے والی تھیں ان کے تباہ شدہ آثار اور ان کے کھنڈروں پر سے یہ لوگ اپنے تجارتی سفروں میں برابر گزرتے ہیں ! یہ اشارہ عاد وثمود وغیرہ کی بستیوں کی طرف ہے جن کا ذکر اہل عرب کے اشعار میں بھی ملتا ہے اور ان کا عام شاہراہوں پر ہونا بھی معلوم ہے۔ فرمایا کہ اگر یہ کوئی نشانی چاہتے ہیں تو ان کے اپنے ملک کی تاریخ اور اس کے آثار میں بہت سی نشانیاں موجود ہیں۔ آخر یہ ان سے کیوں عبرت حاصل نہیں کرتے ؟ عاقل تو وہ ہے جو دوسروں کے انجام سے سبق حاصل کرے، نہ کہ جب وہی انجام اپنے سامنے آجائے تب مانے۔ اگر انسان یہ روش اختیار کرلے تو پھر اس میں اور حیوان میں فرق کیا رہا !