تدبرِ قرآن
Tadabbur-e-Quran · 20. Taa-Haa · Ayah 104
نَحْنُ اَعْلَمُ بِمَا یَقُوْلُوْنَ اِذْ یَقُوْلُ اَمْثَلُهُمْ طَرِیْقَةً اِنْ لَّبِثْتُمْ اِلَّا یَوْمًا۠ع﴿104﴾
- نَحْنُہم
- اَعْلَمُخوب جانتے ہیں
- بِمَاوہ جو
- يَقُوْلُوْنَوہ کہتے ہیں
- اِذْ يَقُوْلُجب کہے گا
- اَمْثَلُهُمْسب سے اچھی
- طَرِيْقَةًراہ
- اِنْنہیں
- لَّبِثْتُمْرہے تم
- اِلَّامگر (صرف)
- يَوْمًاایک دن
یعنی کوئی یہ نہ سمجھے کہ ہم اس دن کے احوال و احساسات کی یہ خبر جو دے رہے ہیں یہ محض ہوائی باتیں ہیں جو صرف مرعوب کرنے کے لئے سنائی جا رہی ہیں۔ بلکہ یہ حقائق ہیں جو پیش آئیں گے۔ اس دن لوگ جو کچھ کہیں گے ان سے سب سے زیادہ واقف ہم ہیں۔ یہ دس دن والی بات تو الگ رہی اس دن ان کے اندر جو سب سے زیادہ معقول دانشمند اور اندازہ دان سمجھا جاتا ہوگا وہ یہ کے گا کہ دس دن کہاں ! بس زیادہ سے زیادہ ایک دن تم دنیا میں رہے ہو گے !
امثل کے معنی
امثل کے معنی افضل و برتر کے ہیں یہاں یہ لفظ بطریق تعریض استعمال ہو ہے یعنی ان کے اندر جو سب سے زیادہ لال بجھکڑ مانا جاتا ہوگا وہ اپنی اندازہ دانی کا یہ ثبوت فراہم کرے گا !
عرب جاہلیت کی شاعری پر جن لوگوں کی نظر ہے وہ جاتنے ہیں کہ ان ایٓتوں میں جس مغالطہ پر متنبہ کیا گیا ہے اسی مغالطہ میں مبتلا ہو کر بہت سے شاعروں نے قیامت کو حدیث خزانہ یعنی ایک مہمل بات قرار دیا ہے۔ میں ان شعروں کے نقل کرنے سے قصداً احتراز کر رہا ہوں اور ان کے نقل کرنے کی کوئی خاص ضرورت بھی نہیں ہے اس لئے کہ یہ مغالطہ صرف دور جاہلیت کے ساتھ مخصوص نہیں ہے بلکہ اس دور تمدن کے لوگوں کا بھی اصل مغالطہ یہی ہے۔ … قرآن نے اسی مغالطہ پر متنبہ کیا ہے۔