Mutaliya-e-Quran

فَمَا لَكُمْ فِی الْمُنٰفِقِیْنَ فِئَتَیْنِ وَ اللّٰهُ اَرْكَسَهُمْ بِمَا كَسَبُوْا١ؕ اَتُرِیْدُوْنَ اَنْ تَهْدُوْا مَنْ اَضَلَّ اللّٰهُ١ؕ وَ مَنْ یُّضْلِلِ اللّٰهُ فَلَنْ تَجِدَ لَهٗ سَبِیْلًا

فَمَا لَكُمْ : سو کیا ہوا تمہیں فِي الْمُنٰفِقِيْنَ : منافقین کے بارے میں فِئَتَيْنِ : دو فریق وَاللّٰهُ : اور اللہ اَرْكَسَھُمْ : انہیں الٹ دیا (اوندھا کردیا) بِمَا كَسَبُوْا : اس کے سبب جو انہوں نے کمایا (کیا) اَتُرِيْدُوْنَ : کیا تم چاہتے ہو اَنْ تَهْدُوْا : کہ راہ پر لاؤ مَنْ : جو۔ جس اَضَلَّ : گمراہ کیا اللّٰهُ : اللہ وَمَنْ : اور جو۔ جس يُّضْلِلِ : گمراہ کرے اللّٰهُ : اللہ فَلَنْ تَجِدَ : پس تم ہرگز نہ پاؤ گے لَهٗ : اس کے لیے سَبِيْلًا : کوئی راہ

پھر یہ تمہیں کیا ہو گیا ہے کہ منافقین کے بارے میں تمہارے درمیان دو رائیں پائی جاتی ہیں، حالانکہ جو برائیاں اُنہوں نے کمائی ہیں اُن کی بدولت اللہ انہیں الٹا پھیر چکا ہے کیا تم چاہتے ہو کہ جسے اللہ نے ہدایت نہیں بخشی اُسے تم ہدایت بخش دو؟ حالانکہ جس کو اللہ نے راستہ سے ہٹا دیا اُس کے لیے تم کوئی راستہ نہیں پاسکتے

[ فَمَا لَــکُمْ : تو تمہیں کیا ہے ] [ فِی الْْمُنٰـفِقِیْنَ : منافقوں (کے بارے) میں ] [ فِئَـتَـیْنِ : (تم لوگ ہوتے ہو) دو گروہ ] [ وَ : حالانکہ ] [ اللّٰہُ : اللہ نے ] [ اَرْکَسَہُمْ : لوٹایا ان کو ] [ بِمَا : بسبب اس کے جو ] [ کَسَبُوْا : انہوں نے کمایا ] [ اَ : کیا ] [ تُرِیْدُوْنَ : تم لوگ چاہتے ہو ] [ اَنْ : کہ ] [ تَہْدُوْا : تم ہدایت دو ] [ مَنْ : اس کو جسے ] [ اَضَلَّ : گمراہ کیا ] [ اللّٰہُ : اللہ نے ] [ وَمَنْ : اور جسے ] [ یُّضْلِلِ : گمراہ کرتا ہے ] [ اللّٰہُ : اللہ ] [ فَلَنْ تَجِدَ : تو ہرگز نہیں پائے گا تو ] [ لَہٗ : اس کے لیے ] [ سَبِیْلاً : کوئی راہ ] ر ک س رَکَسَ یَرْکُسُ (ن) رَکْسًا : کسی چیز کو الٹ دینا۔ اَرْکَسَ (افعال) اِرْکَاسًا : کسی چیز کو پہلی حالت کی طرف لوٹا دینا ‘ اوندھا کرنا۔ آیت زیر مطالعہ۔ ترکیب :” فِئَـتَـیْنِ “ خبر ہے ‘ اس کا مبتدأ” تَـکُوْنُوْنَ “ محذوف ہے۔ ” فِی الْمُنٰفِقِیْنَ “ متعلق خبر ہے۔ ” فَـتَکُوْنُوْنَ “ کی خبر ہونے کی وجہ سے ” سَوَائً “ منصوب ہوا ہے۔ ” مِیْثَاقٌ“ مبتدأ مؤخر نکرہ ہے۔ اس کی خبر ” مَوْجُوْدٌ“ یا ” قَائِمٌ“ محذوف ہے ‘ جبکہ ” بَیْنَکُمْ وَ بَیْنَھُمْ “ متعلق خبر ہے۔ ” حَصِرَتْ “ کا فاعل ” صُدُوْرُھُمْ “ ہے۔

Top