Mazhar-ul-Quran

یٰۤاَیُّهَا الَّذِیْنَ اٰمَنُوْۤا اَنْفِقُوْا مِمَّا رَزَقْنٰكُمْ مِّنْ قَبْلِ اَنْ یَّاْتِیَ یَوْمٌ لَّا بَیْعٌ فِیْهِ وَ لَا خُلَّةٌ وَّ لَا شَفَاعَةٌ١ؕ وَ الْكٰفِرُوْنَ هُمُ الظّٰلِمُوْنَ

يٰٓاَيُّهَا : اے الَّذِيْنَ اٰمَنُوْٓا : جو ایمان لائے (ایمان والے) اَنْفِقُوْا : تم خرچ کرو مِمَّا : سے۔ جو رَزَقْنٰكُمْ : ہم نے دیا تمہیں مِّنْ قَبْلِ : سے۔ پہلے اَنْ : کہ يَّاْتِيَ : آجائے يَوْمٌ : وہ دن لَّا بَيْعٌ : نہ خریدو فروخت فِيْهِ : اس میں وَلَا خُلَّةٌ : اور نہ دوستی وَّلَا شَفَاعَةٌ : اور نہ سفارش وَالْكٰفِرُوْنَ : اور کافر (جمع) ھُمُ : وہی الظّٰلِمُوْنَ : ظالم (جمع)

اے مسلمانو ! اللہ کی راہ میں خرچ کرو اس چیز سے کہ جو ہم نے تم کو دی وہ دن آنے سے پہلے جس میں نہ کوئی خرید وفروخت ہے اور نہ دوستی (کافروں کے لئے) اور نہ شفاعت ، اور کافر خود ہی ظالم ہیں

فوائدالقرآن : یعنی جو نیک عمل کرنا ہے دنیا میں کرلو۔ کیونکہ عمل کی جگہ یہی ہے، آخرت میں نہ کوئی سفارش کام آوے گی اور نہ کسی کی دوستی۔ صرف اپنے اعمال کام آویں گے آخرت دار الجزاء کا مقام ہے۔ خواص آیۃ الکرسی نسائی و طبرانی وغیرہ میں معتبر سند سے روایت ہے جس کا حاصل یہ ہے کہ آنحضرت ﷺ نے فرمایا جو شخص ہر نماز کے بعد آیۃ الکرسی پڑھے گا۔ (1) اس کے جنت کے جانے میں اتنی ہی دیر ہے کہ اس کی آنکھ بند ہو اور وہ دنیا سے اٹھے۔ (2) اور اس کی برکت سے انشاء اللہ تعالیٰ اس کے پاس شیطان نہ آوے گا، اور اس کے مکر و فریب سے محفوظ رہے گا۔ (3) اور اس کے پڑھنے سے فقیر سے غنی ہوجائے گا۔ (4) اور رات کو سوتے وقت ایک بار پڑھ کر سینہ پر دم کرے گا تو رات بھر شیطان اور جملہ آفات سے محفوظ رہے گا۔ (5) اور صحت نصیب ہوگی۔ (6) گھر میں برکت ہوگی (7) اور اس کی برکت سے تمام رات فرشتے نگہبان رہتے ہیں۔ (8) اور جو کوئی اس کو لکھ کر اپنی دکان یا مکان میں اونچی جگہ لگاوے۔ خدا چاہے وہ جگہ چوری سے محفوظ رہے گی اور برکت ہوگی۔ (9) اگر کہیں خوف کی جگہ ہو تو اس کو پڑھ کر اپنے گرد ایک دائرہ کھنچے تو خدا چاہے ہر بلا سے محفوظ رہے گا کوئی زہریلا جانور اس کے پاس نہ آئے گا۔ (10) اللہ کے ناموں میں یاحی یاقیوم اسم اعظم ہیں ان ناموں کو پڑھ کر جو کوئی جائز دعا مانگے گا ضرور قبول ہوگی۔

Top