Dure-Mansoor

اَلَمْ یَرَوْا كَمْ اَهْلَكْنَا مِنْ قَبْلِهِمْ مِّنْ قَرْنٍ مَّكَّنّٰهُمْ فِی الْاَرْضِ مَا لَمْ نُمَكِّنْ لَّكُمْ وَ اَرْسَلْنَا السَّمَآءَ عَلَیْهِمْ مِّدْرَارًا١۪ وَّ جَعَلْنَا الْاَنْهٰرَ تَجْرِیْ مِنْ تَحْتِهِمْ فَاَهْلَكْنٰهُمْ بِذُنُوْبِهِمْ وَ اَنْشَاْنَا مِنْۢ بَعْدِهِمْ قَرْنًا اٰخَرِیْنَ

اَلَمْ يَرَوْا : کیا انہوں نے نہیں دیکھا كَمْ : کتنی اَهْلَكْنَا : ہم نے ہلاک کردیں مِنْ : سے قَبْلِهِمْ : ان سے قبل مِّنْ : سے قَرْنٍ : امتیں مَّكَّنّٰهُمْ : ہم نے انہیں جما دیا تھا فِي الْاَرْضِ : زمین (ملک) میں مَا : جو لَمْ نُمَكِّنْ : نہیں جمایا لَّكُمْ : تمہیں وَاَرْسَلْنَا : اور ہم نے بھیجا السَّمَآءَ : آسمان کو عَلَيْهِمْ : ان پر مِّدْرَارًا : موسلا دھار وَّجَعَلْنَا : اور ہم نے بنائیں الْاَنْھٰرَ : نہریں تَجْرِيْ : بہتی ہیں مِنْ : سے تَحْتِهِمْ : ان کے نیچے فَاَهْلَكْنٰهُمْ : پھر ہم نے انہیں ہلاک کیا بِذُنُوْبِهِمْ : ان کے گناہوں کے سبب وَاَنْشَاْنَا : اور ہم نے کھڑی کیں مِنْ : سے بَعْدِهِمْ : ان کے بعد قَرْنًا : امتیں اٰخَرِيْنَ : دوسری

کیا انہوں نے نہیں دیکھا کہ ہم نے ان سے پہلے کتنی امتوں کو ہلاک کردیا، ان کو ہم نے زمین میں ایسا اقتدار دیا تھا جو تم کو نہیں دیا اور ہم نے ان پر زوردار بارشیں برسائیں اور ہم نے نہریں بنا دیں جو ان کے نیچے جاری تھیں پھر ہم نے ان کو ان کے گناہوں کے سبب ہلاک کردیا اور ان کے بعد ہم نے دوسری امتیں پیدا کردیں۔

(1) امام ابن ابی حاتم نے ابو مالک (رح) سے روایت کیا کہ لفظ آیت من قرن سے مراد امت ہے۔ (2) امام عبد الرزاق، عبد بن حمید، ابن جریر، ابن منذر، ابن ابی حاتم اور ابو الشیخ نے قتادہ (رح) سے روایت کیا کہ اس آیت کے متعلق لفظ آیت مکنھم فی الارض ما لم نمکن لکم یعنی ہم نے اس کو جو کچھ عطا کیا تھا جو ہم نے تم کو عطا نہیں کیا۔ (3) امام ابن منذر، ابن ابی حاتم اور ابو الشیخ نے علی کے طریق سے ابن عباس ؓ سے روایت کیا کہ انہوں نے لفظ آیت وارسلنا السمآء علیھم مدرارا کے بارے میں فرمایا کہ اس سے مراد یہ مسلسل برسنے والی موسلا دھار بارش ہے۔ (4) امام ابن ابی حاتم اور ابو الشیخ نے ہارون التمیمی (رح) سے روایت کیا کہ لفظ آیت وارسلنا السمآء علیھم مدرارا یعنی ایسی بارش جو موسلادھار اور تیز ہو۔

Top