Anwar-ul-Bayan - 17 : 73

وَاِنْ : اور تحقیق كَادُوْا : وہ قریب تھا لَيَفْتِنُوْنَكَ : کہ تمہیں بچلا دیں عَنِ : سے الَّذِيْٓ : وہ لوگ جو اَوْحَيْنَآ : ہم نے وحی کی اِلَيْكَ : تمہاری طرف لِتَفْتَرِيَ : تاکہ تم جھوٹ باندھو عَلَيْنَا : ہم پر غَيْرَهٗ : اس کے سوا وَاِذًا : اور اس صورت میں لَّاتَّخَذُوْكَ : البتہ وہ تمہیں بنا لیتے خَلِيْلًا : دوست

اور اے پیغمبر ﷺ جو وحی ہم نے تمہاری طرف بھیجی قریب تھا کہ یہ (کافر) لوگ تم کو اس سے بچلا دیں تاکہ تم اس کے سوا اور باتیں ہماری نسبت بنالو۔ اور اس وقت وہ تم کو دوست بنا لیتے۔

(17:73) ان کادوا لیفتنوک۔ میں ان مخففہ ہے جو ان ثقیلہ سے مخفف ہو کر ان بن گیا۔ یہ تحقیق اور ثبوت کے معنی دیتا ہے اور لام فارقہ ہے ان مخففہ کو ان نافیہ یا شرطیہ سے ممیز کرتا ہے۔ کادوا۔ کاد یکاد (باب سمع) کود افعال مقاربہ میں سے ہے۔ فعل مضارع پر داخل ہوتا ہے اس کے بعد ان بہت کم آتا ہے کاد اگر بصورت اثبات مذکور ہو تو اس سے معلوم ہوتا ہے کہ بعد کو آنے والا فعل واقع نہیں ہوا۔ قریب الوقوع ضرور تھا۔ جیسے یکاد البرق یخطف ابصارہم (2:20) قریب ہے کہ بجلی ان کی بینائی اچک لے جائے۔ اور اگر اس کے ساتھ حرف نفی آجائے تو اثباتی حالت کے برعکس فعل کے وقوع کو بیان کرنے کے لئے آتا ہے جو وقوع کے قریب نہ ہو جیسے وما کادوا یفعلون (2:71) اور وہ ایسا کرنے والے تھے نہیں۔ وان کا دو لیفتنونک اور قریب تھا کہ یہ (کافر لوگ) آپ کو بچلا دیں۔ یا یہ لوگ آپ کو بچلانے ہی لگے تھے۔ بعض نے کاد کے معنی ہم واراد بھی کئے ہیں۔ اس صورت میں معنی ہوں گے۔ اور انہوں نے پختہ ارادہ کیا کہ وہ آپ کو بچلا دیں یا برگشتہ کردیں۔ لتفتری۔ میں جیسا کہ اوپر ذکر ہوچکا لام۔ لام الفارقہ ہے۔ تفتری مضارع کا صیغہ واحد مذکر حاضر۔ افتراء مصدر تو افتراء کرے۔ تو جھوٹ باندھے۔ لتفتری علینا غیرہ یعنی اس وحی کے سوا (الذی اوحینا الیک) جو ہم نے آپ پر نازل کی آپ جھوٹ اور من گھڑت بات کی ہماری طرف نسبت کردیں۔ اذا۔ تب۔ اس وقت (یعنی اگر آپ ایسا کردیتے تو وہ اس وقت ضرور آپ کو گاڑھا دوست بنا لیتے) ۔ لا تخذوک۔ میں لام تاکید کے لئے ہے۔ اتخذوا۔ اتخاذ (افتعال) سے ماضی کا صیغہ جمع مذکر غائب۔ ک ضمیر مفعول واحد مذکر حاضر۔ وہ تجھے ضرور اختیار کرلیتے۔

Top