سنن النسائی - نکاح سے متعلقہ احادیث - حدیث نمبر 3234
أَخْبَرَنَا عُبَيْدُ اللَّهِ بْنُ سَعِيدٍ، ‏‏‏‏‏‏قَالَ:‏‏‏‏ حَدَّثَنَا يَحْيَى، ‏‏‏‏‏‏عَنْ عُبَيْدِ اللَّهِ، ‏‏‏‏‏‏عَنْ سَعِيدِ بْنِ أَبِي سَعِيدٍ، ‏‏‏‏‏‏عَنْ أَبِيهِ، ‏‏‏‏‏‏عَنْ أَبِي هُرَيْرَةَ، ‏‏‏‏‏‏عَنِ النَّبِيِّ صَلَّى اللَّهُ عَلَيْهِ وَسَلَّمَ، ‏‏‏‏‏‏قَالَ:‏‏‏‏ تُنْكَحُ النِّسَاءُ لِأَرْبَعَةٍ:‏‏‏‏ لِمَالِهَا، ‏‏‏‏‏‏وَلِحَسَبِهَا، ‏‏‏‏‏‏وَلِجَمَالِهَا، ‏‏‏‏‏‏وَلِدِينِهَا، ‏‏‏‏‏‏فَاظْفَرْ بِذَاتِ الدِّينِ تَرِبَتْ يَدَاكَ.
زنا کار عورتوں سے شادی کرنا مکروہ ہے
ابوہریرہ رضی الله عنہ کہتے ہیں کہ نبی اکرم ﷺ نے فرمایا: عورتوں سے شادی چار چیزیں دیکھ کر کی جاتی ہے: اس کا مال دیکھ کر، اس کی خاندانی وجاہت (حسب) دیکھ کر، اس کی خوبصورتی دیکھ کر اور اس کا دین دیکھ کر، تو تم دیندار عورت کو پانے کی کوشش کرو ١ ؎، تمہارے ہاتھ خاک آلود ہوں ٢ ؎۔
تخریج دارالدعوہ: صحیح البخاری/النکاح ١٥ (٥٠٩٠)، صحیح مسلم/الرضاع ١٥ (١٤٦٦)، سنن ابی داود/النکاح ٢ (٢٠٤٧)، سنن ابن ماجہ/النکاح ٦ (١٨٥٨)، (تحفة الأشراف: ١٤٣٠٥)، مسند احمد (٢/٤٢٨)، سنن الدارمی/النکاح ٤ (٢٢١١٦) (صحیح )
وضاحت: ١ ؎: کیونکہ دیندار عورت مالدار بھی ہوسکتی ہے، حسب والی بھی ہوسکتی ہے اور خوبصورت بھی ہوسکتی ہے لیکن بدکار نہیں ہوسکتی، ورنہ پھر اسے دیندار نہ کہیں گے۔ لیکن دیندار نہیں ہے تو مالدار عورت بھی بدکار ہوسکتی ہے، حسب والی بھی زانیہ ہوسکتی ہے اور جمال والی بھی بدکار ہوسکتی ہے۔ اس لیے دیندار عورت کے مقابل میں گرچہ ان سے شادی جائز ہے مگر اس جواز کی حیثیت مکروہ کی ہوگی، اسی بنا پر صاحب کتاب نے کراہی ۃ تزویج الزنا ۃ کا عنوان قائم کیا ہے۔ ٢ ؎: یعنی اگر ایسا نہ کرو گے تو نقصان اٹھاؤ گے۔
قال الشيخ الألباني: صحيح
صحيح وضعيف سنن النسائي الألباني: حديث نمبر 3230
Narrated Abu Hurairah: It was narrated from Abu Hurairah (RA) that the Prophet (صلی اللہ علیہ وسلم) said: "Women are married for four things: their wealth, their nobility, their beauty and their religious commitment. Choose the one who is religiously committed, may your hands be rubbed with dust.
Top