سنن النسائی - عقیقہ سے متعلق احادیث مبارکہ - حدیث نمبر 4219
أَخْبَرَنَا مُحَمَّدُ بْنُ الْمُثَنَّى، ‏‏‏‏‏‏قَالَ:‏‏‏‏ حَدَّثَنَا عَفَّانُ، ‏‏‏‏‏‏قَالَ:‏‏‏‏ حَدَّثَنَا حَمَّادُ بْنُ سَلَمَةَ، ‏‏‏‏‏‏قَالَ:‏‏‏‏ حَدَّثَنَا أَيُّوبُ، ‏‏‏‏‏‏وَحَبِيبٌ، ‏‏‏‏‏‏وَيُونُسُ، ‏‏‏‏‏‏وَقَتَادَةُ، ‏‏‏‏‏‏عَنْ مُحَمَّدِ بْنِ سِيرِينَ، ‏‏‏‏‏‏عَنْ سَلْمَانَ بْنِ عَامِرٍ الضَّبِّيِّ، ‏‏‏‏‏‏أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:‏‏‏‏ فِي الْغُلَامِ عَقِيقَةٌ فَأَهْرِيقُوا عَنْهُ دَمًا وَأَمِيطُوا عَنْهُ الْأَذَى.
لڑکے کی جانب سے عقیقہ
سلمان بن عامر ضبی ؓ سے روایت ہے کہ رسول اللہ ﷺ نے فرمایا: لڑکے کی پیدائش پر ١ ؎ اس کا عقیقہ ہے، تو اس کی جانب سے خون بہاؤ ٢ ؎ اور اس سے تکلیف دہ چیز کو دور کرو ٣ ؎۔
تخریج دارالدعوہ: صحیح البخاری/العقیقة ٢ (٥٤٧١)، سنن ابی داود/الضحایا ٢١ (٢٨٣٩)، سنن الترمذی/الضحایا ١٧ (١٥١٥)، سنن ابن ماجہ/الذبائح ١ (٣١٦٤)، (تحفة الأشراف: ٤٤٨٥)، مسند احمد (٤/١٧، ١٨، ٢١٤)، سنن الدارمی/الأضاحي ٩ (٢٠١٠) (صحیح )
وضاحت: ١ ؎: اس جملہ سے بعض لوگوں نے یہ استدلال کیا ہے کہ عقیقہ صرف لڑکے کی پیدائش پر ہے۔ لڑکی کی پیدائش پر نہیں، لیکن یہ استدلال صرف ایک حدیث پر نظر رکھنے کا نتیجہ ہے جو اصول استدلال کے خلاف ہے، متعدد دیگر احادیث وارد ہیں جن میں لڑکی کی طرف سے بھی خون بہا نے کا حکم دیا گیا ہے۔ (دیکھئیے اگلی حدیث) ٢ ؎: اسی جملہ سے (نیز حدیث نمبر ٤٢٢٥ کے مفہوم) سے عقیقہ کے واجب ہونے پر استدلال کیا جاتا ہے، جب کہ بعض لوگ حدیث نمبر ٤٢١٨ کے جملہ جو چاہے وہ عقیقہ کرے سے استحباب پر استدلال کرتے ہیں، سلمان ؓ کی حدیث صحیح بخاری کی ہے جب کہ عبداللہ بن عمرو ؓ کی حدیث صرف سنن کی ہے، نیز سلمان ؓ کی حدیث کے معنی کی تائید حدیث نمبر ٤٢٢٥ کے اس مفہوم سے بھی ہوتی ہے جو امام احمد بن حنبل نے بیان کیا ہے، نیز ام کرز ؓ کی حدیث سے بھی وجوب ہی کی تائید ہوتی ہے، ہاں جس کو عقیقہ کرنے کی استطاعت ہی نہ ہو تو اس سے معاف ہے، اگر ماں باپ کو اکیسوئیں دن بھی عقیقہ کرنے کی استطاعت ہوجائے تو کر دے، اس کے بعد وجوب ساقط ہوجائے گا۔ ٣ ؎: یعنی سر کے بال مونڈو اور غسل دو۔
قال الشيخ الألباني: صحيح
صحيح وضعيف سنن النسائي الألباني: حديث نمبر 4214
It was narrated from Salman bin Amir Ad-Dabbi that the Messenger of Allah (صلی اللہ علیہ وسلم) said: "For a boy there shoud be an Aqiqah, so shed blood for him, and remove the harm from him.
Top