سنن النسائی - طلاق سے متعلقہ احادیث - حدیث نمبر 3540
أَخْبَرَنَا مُحَمَّدُ بْنُ سَلَمَةَ، ‏‏‏‏‏‏وَالْحَارِثُ بْنُ مِسْكِينٍ قِرَاءَةً عَلَيْهِ وَأَنَا أَسْمَعُ وَاللَّفْظُ لِمُحَمَّدٍ، ‏‏‏‏‏‏قَالَ:‏‏‏‏ أَنْبَأَنَا ابْنُ الْقَاسِمِ، ‏‏‏‏‏‏عَنْمَالِكٍ، ‏‏‏‏‏‏عَنْ عَبْدِ رَبِّهِ بْنِ سَعِيدٍ، ‏‏‏‏‏‏عَنْ أَبِي سَلَمَةَ، ‏‏‏‏‏‏قَالَ:‏‏‏‏ سُئِلَ ابْنُ عَبَّاسٍ، ‏‏‏‏‏‏وَأَبُو هُرَيْرَةَ، ‏‏‏‏‏‏عَنِ الْمُتَوَفَّى عَنْهَا زَوْجُهَا، ‏‏‏‏‏‏وَهِيَ حَامِلٌ، ‏‏‏‏‏‏قَالَ:‏‏‏‏ ابْنُ عَبَّاسٍ:‏‏‏‏ آخِرُ الْأَجَلَيْنِ، ‏‏‏‏‏‏وَقَالَ أَبُو هُرَيْرَةَ:‏‏‏‏ إِذَا وَلَدَتْ فَقَدْ حَلَّتْ، ‏‏‏‏‏‏فَدَخَلَ أَبُو سَلَمَةَ إِلَى أُمِّ سَلَمَةَفَسَأَلَهَا عَنْ ذَلِكَ فَقَالَتْ:‏‏‏‏ وَلَدَتْ سُبَيْعَةُ الْأَسْلَمِيَّةُ بَعْدَ وَفَاةِ زَوْجِهَا بِنِصْفِ شَهْرٍ، ‏‏‏‏‏‏فَخَطَبَهَا رَجُلَانِ:‏‏‏‏ أَحَدُهُمَا شَابٌّ، ‏‏‏‏‏‏وَالْآخَرُ كَهْلٌ، ‏‏‏‏‏‏فَحَطَّتْ إِلَى الشَّابِّ، ‏‏‏‏‏‏فَقَالَ الْكَهْلُ:‏‏‏‏ لَمْ تَحْلِلْ، ‏‏‏‏‏‏وَكَانَ أَهْلُهَا غُيَّبًا، ‏‏‏‏‏‏فَرَجَا إِذَا جَاءَ أَهْلُهَا أَنْ يُؤْثِرُوهُ بِهَا، ‏‏‏‏‏‏فَجَاءَتْ رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالَ:‏‏‏‏ قَدْ حَلَلْتِ، ‏‏‏‏‏‏فَانْكِحِي مَنْ شِئْتِ.
حاملہ کی عدت کے بیان میں
ابوسلمہ کہتے ہیں کہ ابن عباس اور ابوہریرہ ؓ سے اس عورت (کی عدت) کے بارے میں پوچھا گیا جس کا شوہر انتقال کر گیا ہو اور وہ (انتقال کے وقت) حاملہ رہی ہو۔ ابن عباس ؓ نے کہا: دونوں عدتوں میں سے جو آخر میں ہو یعنی لمبی ہو اور دوسری کے مقابل میں بعد میں پوری ہوتی ہو ١ ؎، اور ابوہریرہ ؓ نے کہا: جس وقت عورت بچہ جنے اسی وقت اس کی عدت پوری ہوجائے گی۔ (یہ اختلاف سن کر) ابوسلمہ ام سلمہ ؓ کے پاس گئے اور ان سے اس مسئلہ کے بارے میں پوچھا۔ تو انہوں نے کہا: سبیعہ اسلمیہ ؓ نے اپنے شوہر کے انتقال کے پندرہ دن بعد بچہ جنا پھر دو آدمیوں نے اسے شادی کرنے کا پیغام دیا، ان دونوں میں سے ایک جوان تھا اور دوسرا ادھیڑ عمر کا، وہ جوان کی طرف مائل ہوئی اور اسے شادی کے لیے پسند کرلیا۔ ادھیڑ عمر والے نے اس سے کہا: تو تم ابھی حلال نہیں ہوئی ہو (شادی کرنے کیسے جا رہی ہو) ، اس کے گھر والے غیر موجود تھے ادھیڑ عمر والے نے امید لگائی (کہ میرے ایسا کہنے سے شادی ابھی نہ ہوگی اور) جب لڑکی کے گھر والے آجائیں گے تو ہوسکتا ہے کہ وہ لوگ اس عورت کا اس کے ساتھ رشتہ کردینے کو ترجیح دیں (اور سبیعہ کو اس کے ساتھ شادی کرلینے پر راضی کرلیں) ۔ لیکن وہ تو (سیدھے) رسول اللہ ﷺ کے پاس آئی، آپ ﷺ نے فرمایا: تو تم (بچہ جن کر) حلال ہوچکی ہو، تمہارا دل جس سے چاہے اس سے شادی کرلو ٢ ؎۔
تخریج دارالدعوہ: انظر ماقبلہ (صحیح )
وضاحت: ١ ؎: آیت : والذين يتوفون منکم ويذرون أزواجا يتربصن بأنفسهن أربعة أشهر وعشرا ( البقرة : 234) کے مطابق ایک عدت چار مہینہ دس دن کی ہے اور دوسری عدت آیت : وأولات الأحمال أجلهن أن يضعن حملهن ( الطلاق : 4) کے مطابق وضع حمل ہے۔ ٢ ؎: گویا ابوہریرہ رضی الله عنہ کا جواب حدیث رسول کی روشنی میں درست تھا۔
قال الشيخ الألباني: صحيح
صحيح وضعيف سنن النسائي الألباني: حديث نمبر 3510
It was narrated that Abu Salamah said: "Ibn Abbas and Abu Hurairah (RA) were asked about the woman whose husband dies when she is pregnant. Ibn Abbas said: (She should wait) for the longer of the two periods. Abu Hurairah said: When she gives birth it becomes permissible for her to marry. Abu Salamah went to Umm Salamah (RA) and asked her about that, and she said: Subaiah Al-Aslamiyyah gave birth half a month after her husband died, and two men proposed to her. One was young and one was old, and she was inclined toward the young one. So the old one said: It is not permissible for you to marry. Her family was not there, and he hoped that if he went to her family they would marry her to him. She went to the Messenger of Allah (صلی اللہ علیہ وسلم) and he said: It is permissible for you to marry, so marry whomever you want.
Top