حضرت بریدہ اسلمی ؓ کی مرویات
حضرت بریدہ ؓ سے مروی ہے کہ ایک مرتبہ وہ کسی ایسی مجلس سے گذرے جہاں پر لوگ حضرت علی ؓ کے متعلق کچھ باتیں کر رہے ہیں وہ ان کے پاس کھڑے ہو کر کہنے لگے کہ ابتداء میں میرے دل میں حضرت علی ؓ کے متعلق بوجھ تھا حضرت خالد بن ولید ؓ کی بھی یہی صورت حال تھی نبی کریم ﷺ نے ایک مرتبہ مجھے ایک دستے کے ساتھ روانہ کردیا جس کے امیر حضرت علی ؓ تھے ہمیں وہاں قیدی ہاتھ لگے حضرت علی ؓ نے خمس میں سے ایک باندی اپنے لئے رکھ لی حضرت خالد بن ولید ؓ نے فرمایا ٹھہرو، پھر جب ہم نبی کریم ﷺ کی خدمت میں حاضر ہوئے تو میں پیش آمدہ واقعہ بیان کرنے لگا اور کہا کہ علی نے خمس میں سے باندی لی ہے میں نے اس وقت سر جھکا رکھا تھا اچانک سر اٹھا کر دیکھا تو نبی کریم ﷺ کا رخ انور متغیر ہو رہا تھا نبی کریم ﷺ نے فرمایا جس کا میں محبوب ہوں علی بھی اس کے محبوب ہونے چاہئیں۔