حضرت ابوقتادہ انصاری ؓ کی مرویات
حضرت ابو قتادہ ؓ سے مروی ہے کہ نبی کریم ﷺ کے پاس ایک انصاری کا جنازہ لایا گیا نبی کریم ﷺ نے فرمایا اپنے ساتھی کی نماز جنازہ خود ہی پڑھ لو کیونکہ اس پر کسی کا قرض ہے اس پر حضرت ابو قتادہ ؓ نے عرض کیا یا رسول اللہ! ﷺ اس کا قرض میرے ذمے ہے نبی کریم ﷺ نے پوچھا مکمل؟ انہوں نے عرض کیا جی مکمل چناچہ نبی کریم ﷺ نے اس کی نماز جنازہ پڑھا دی اور اس پر اٹھارہ انیس درہم کا قرض تھا۔ گذشتہ حدیث اس دوسری سند سے بھی مروی ہے کہ البتہ اس میں یہ اضافہ بھی ہے کہ نبی کریم ﷺ نے ان سے پوچھا پورے قرض کے ضامن بنتے ہو؟ انہوں نے کہا جی ہاں!