حضرت معاذ بن جبل ؓ کی مرویات
حضرت معاذ بن جبل ؓ جب ملک شام تشریف لائے تو معلوم ہوا کہ اہل شام وتر نہیں پڑھتے انہوں نے حضرت امیر معاویہ ؓ سے پوچھا کیا بات ہے کہ میں اہل شام کو وتر پڑھتے ہوئے نہیں دیکھتا؟ حضرت امیر معاویہ ؓ نے پوچھا کیا یہ ان پر واجب ہے؟ حضرت معاذ ؓ نے فرمایا جی ہاں! میں نے نبی کریم ﷺ کو یہ فرماتے ہوئے سنا ہے کہ میرے رب نے مجھ پر ایک نماز کا اضافہ فرمایا ہے اور وہ وتر ہے جس کا وقت نماز عشاء اور طلوع فجر کے درمیان ہے۔