حضرت زید بن ثابت ؓ کی مرویات
قبیصہ بن ذؤیب کہتے ہیں کہ حضرت عائشہ صدیقہ ؓ نے آل زبیر کو بتایا کہ نبی کریم ﷺ نے ان کے یہاں عصر کی نماز کے بعد دو رکعتیں (نفل کے طور پر) پڑھی ہیں، چناچہ وہ لوگ بھی یہ دو رکعتیں پڑھنے لگے حضرت زید بن ثابت ؓ کو معلوم ہوا تو وہ فرمانے لگے کہ اللہ تعالیٰ حضرت عائشہ ؓ کی بخشش فرمائے، حضرت عائشہ ؓ کی نسبت نبی کریم ﷺ کو ہم لوگ زیادہ جانتے ہیں دراصل بات یہ ہے کہ ایک مرتبہ کچھ دیہاتی لوگ نبی کریم ﷺ کی خدمت میں دوپہر کے وقت آئے اور سوالات کرنے بیٹھ گئے نبی کریم ﷺ انہیں جوابات دیتے رہے پھر ظہر کی نماز پڑھی اور بعد کی دو سنتیں نہیں پڑھیں اور انہیں مسائل بتانے لگے یہاں تک کہ نماز عصر کا وقت ہوگیا نماز پڑھ کر نبی کریم ﷺ اپنے گھر چلے گئے اس وقت یاد آیا کہ انہوں نے تو ابھی تک ظہر کے بعد کی سنتیں نہیں پڑھیں چناچہ وہ دو رکعتیں نبی کریم ﷺ نے عصر کے بعد پڑھی تھیں اللہ تعالیٰ حضرت عائشہ ؓ کی مغفرت فرمائے حضرت عائشہ ؓ کی نسبت نبی کریم ﷺ کو ہم لوگ زیادہ جانتے ہیں نبی کریم ﷺ نے نماز عصر کے بعد نوافل سے منع فرمایا ہے۔ گذشتہ حدیث اس دوسری سند سے بھی مروی ہے۔