وہ روایات جوزربن حبیش ؓ نے ان سے نقل کی ہیں۔
زیاد انصاری کہتے ہیں کہ میں نے حضرت ابی بن کعب ؓ سے پوچھا کہ اگر نبی کریم ﷺ کی ساری ازواج مطہرات کا انتقال ہوجاتا تو کیا نبی کریم ﷺ کے لئے دوسری شادی کرنا جائز ہوتا؟ حضرت ابی ؓ نے فرمایا اسے حرام کس نے کیا ہے؟ میں نے عرض کیا کہ اللہ تعالیٰ فرماتے ہیں آپ کے لئے اس کے بعد کسی عورت سے نکاح حلال نہیں ہے انہوں نے فرمایا نبی کریم ﷺ کے لئے کئی قسم کی عورتیں حلال کی گئی تھیں۔