حضرت ابوموسیٰ اشعری ؓ کی مرویات
ابوالتیاح ایک طویل سیاہ فام آدمی سے نقل کرتے ہیں کہ وہ حضرت ابن عباس ؓ کے ساتھ بصرہ آیا انہوں نے حضرت ابوموسیٰ ؓ کو خط لکھا حضرت ابوموسیٰ ؓ نے انہیں جواب میں لکھا کہ نبی کریم ﷺ ایک مرتبہ جا رہے تھے کہ ایک باغ کے پہلو میں نرم زمین کے قریب پہنچ کر پیشاب کیا اور فرمایا بنی اسرائیل میں جب کوئی شخص پیشاب کرتا اور اس کے جسم پر معمولی سا پیشاب لگ جاتا تو وہ اس جگہ کو قینچی سے کاٹ دیا کرتا تھا اور فرمایا کہ جب تم میں سے کوئی شخص پیشاب کا ارادہ کرے تو اس کے لئے نرم زمین تلاش کرے۔