حضرت عبداللہ بن ابی حبیبہ ؓ کی حدیثیں
محمد بن اسماعیل کہتے ہیں کہ ان کے گھر والوں میں سے کسی نے ان کے نانا یعنی حضرت عبداللہ بن ابی حبیبہ ؓ سے پوچھا کہ آپ نے نبی کریم ﷺ سے کون سا واقعہ یاد رکھا ہے؟ انہوں نے فرمایا کہ نبی کریم ﷺ ہماری اس مسجد میں تشریف لائے تھے ہم بھی اور دوسرے لوگ بھی نبی کریم ﷺ کے پاس آکر بیٹھ گئے کچھ دیر تک نبی کریم ﷺ بیٹھے رہے پھر کھڑے ہو کر نماز پڑھنے لگے اس دن میں نے نبی کریم ﷺ کو جوتے پہن کر نماز پڑھتے ہوئے دیکھا تھا۔