حضرت براء بن عازب ؓ کی مرویات
حضرت براء ؓ سے مروی ہے کہ نبی کریم ﷺ کے صحابہ کرام ؓ میں ہمارے یہاں سب سے پہلے مصعب بن عمیر ؓ اور ابن ام مکتوم ؓ آئے تھے وہ لوگوں کو قرآن کریم پڑھاتے تھے پھر حضرت عمار ؓ بلال ؓ اور سعد ؓ آئے پھر حضرت عمر فاروق ؓ بیس آدمیوں کے ساتھ آئے پھر نبی کریم ﷺ بھی تشریف لے آئے اس وقت اہل مدینہ جتنے خوش تھے میں نے انہوں اس سے زیادہ خوش کبھی نہیں دیکھا حتیٰ کہ باندیاں بھی کہنے لگیں کہ یہ نبی کریم ﷺ تشریف لے آئے ہیں نبی کریم ﷺ جب تشریف لائے تو میں سورت اعلیٰ وغیرہ مفصلات کی کچھ سورتیں پڑھ چکا تھا۔