حضرت عماربن یاسر ؓ کی مرویات
ناجیہ عنزی (رح) کہتے ہیں کہ جنبی کے تیمم کرنے کے مسئلہ میں حضرت عمار ؓ اور عبداللہ بن مسعود ؓ کے درمیان اختلاف رائے ہوگیا حضرت عبداللہ بن مسعود ؓ کا کہنا ہے کہ اگر جنابت کے بعد مجھے ایک مہینے تک پانی نہ ملے تب بھی میں غسل کئے بغیر نماز نہیں پڑھوں گا حضرت عمار ؓ کہنے لگے کیا آپ کو وہ واقعہ یاد نہیں ہے جب ایک مرتبہ میں اور آپ اونٹوں کے ایک باڑے میں تھے رات کو مجھ پر غسل واجب ہوگیا تو میں جانور کی طرح مٹی پر لوٹ پوٹ ہوگیا اور جب نبی کریم ﷺ کی خدمت میں واپسی ہوئی تو میں نے نبی کریم ﷺ سے اس کا ذکر کیا اور نبی کریم ﷺ نے فرمایا کہ تمہارے لئے تو تیمم ہی کافی تھا۔