حضرت محمد بن مسلمہ الانصاری ؓ
حسن (رح) کہتے ہیں کہ ایک مرتبہ حضرت علی ؓ نے حضرت محمد بن مسلمہ ؓ کو بلایا، جب وہ آئے تو حضرت علی ؓ نے ان سے پوچھا کہ تم امور سلطنت سے پیچھے کیوں ہٹ گئے؟ انہوں نے فرمایا کہ مجھے تمہارے چچازاد بھائی یعنی نبی ﷺ نے ایک تلوار دی تھی اور فرمایا تھا کہ اس تلوار کے ساتھ دشمن سے قتال کرو، جب تم دیکھو کہ لوگ آپس میں ہی ایک دوسرے کو قتل کرنے لگے ہیں تو تم یہ تلوار لے جا کر ایک چٹان پردے مارنا اور اپنے گھر میں بیٹھ جانا یہاں تک کہ تمہیں موت آجائے جو فیصلہ کر دے یا کوئی گنہگار ہاتھ آجائے، حضرت علی ؓ نے یہ سن کر فرمایا انہیں چھوڑ دو۔