حضرت یعلی بن مرہ ثفقی ؓ کی حدیثیں
حضرت یعلی ؓ سے مروی ہے کہ ایک مرتبہ نبی ﷺ کسی دعوت میں کھانے پر تشریف لے گئے، نبی ﷺ جب ان لوگوں کے پاس پہنچے تو دیکھا کہ حضرت امام حسین ؓ بچوں کے ساتھ کھیل رہے ہیں، نبی ﷺ انہیں پکڑنے کے لئے آگے بڑھے تو حضرت امام حسین ؓ کبھی ادھر بھاگ جاتے اور کبھی ادھر، نبی ﷺ انہیں ہنسانے لگے، یہاں تک کہ انہیں پکڑ لیا، پھر ایک ہاتھ ان کی گدی کے نیچے رکھا اور دوسرا ٹھوڑی کے نیچے اور ان کے منہ پر اپنا مبارک منہ رکھا اور فرمایا حسین مجھ سے ہے اور میں حسین سے ہوں، اللہ اس شخص سے محبت کرے جو حسین سے محبت کرتا ہے حسین ایک پورا گروہ اور قبیلہ ہے۔