حضرت عقبہ بن عامر جہنی ؓ کی مرویات
عطاء کہتے ہیں کہ ایک مرتبہ حضرت ابو ایوب انصاری ؓ سفر کر کے حضرت عقبہ ؓ کے پاس آئے، لیکن وہ حضرت سلمہ ؓ کے پاس پہنچ گئے، حضرت ابو ایوب ؓ نے ان سے فرمایا کہ مجھے حضرت عقبہ ؓ کا پتہ بتادو، چناچہ وہ حضرت عقبہ ؓ کے پاس پہنچے اور کہنے لگے کہ ہمیں وہ حدیث سنائیے جو آپ نے نبی ﷺ سے خود سنی ہے اور اب کوئی شخص اس کی سماعت کرنے والا باقی نہیں رہا؟ انہوں نے فرمایا کہ میں نے نبی ﷺ کو یہ فرماتے ہوئے سنا ہے کہ جو شخص دنیا میں اپنے بھائی کے کسی عیب کو چھپالے، اللہ تعالیٰ قیامت کے دن اس کے عیوب پر پردہ ڈال دے گا؟ یہ حدیث سن کر وہ اپنی سواری کے پاس آئے، اس پر سوار ہوئے اور واپس چلے گئے۔