صحیفہ ہمام بن منبہ رحمتہ اللہ علیہ
حضرت ابوہریرہ ؓ سے مروی ہے کہ کسی نے نبی کریم ﷺ پوچھا کہ لوگوں میں سب سے زیادہ معزز آدمی کون ہے؟ نبی کریم ﷺ نے فرمایا جو سب سے زیادہ متقی ہو، صحابہ کرام نے عرض کیا یا رسول اللہ ﷺ ہم آپ سے یہ سوال نہیں پوچھ رہے نبی کریم ﷺ نے فرمایا کہ پھر حضرت یوسف (علیہ السلام) سب سے زیادہ معزز ہیں جو نبی ابن نبی ابن نبی ابن خلیل اللہ ہیں صحابہ کرام ؓ نے عرض کیا یا رسول ﷺ ہم آپ سے یہ بھی نہیں پوچھ رہے نبی کریم ﷺ نے فرمایا تو پھر عرب کی کانوں کے متعلق پوچھ رہے ہو؟ ان میں جو لوگ زمانہ جاہلیت میں سب سے بہتر تھے وہ زمانہ اسلام میں بھی سب سے بہتر ہیں جبکہ دین کی سمجھ بوجھ کرلیں۔