صحیفہ ہمام بن منبہ رحمتہ اللہ علیہ
عبداللہ بن ابی رافع " جو حضرت علی ؓ کے کاتب تھے " کہتے ہیں کہ مروان اپنی غیر موجودگی میں حضرت ابوہریرہ ؓ کو مدینہ منورہ پر اپنا جانشین بنا کرجاتا تھا ایک مرتبہ اس نے انہیں اپنا جانشین بنایا تو نماز جمعہ بھی حضرت ابوہریرہ ؓ نے ہی پڑھائی اور اس میں سورت منافقوں کی تلاوت فرمائی، نماز سے فارغ ہو کر میں ان کی ایک جانب چلنے لگا، راستے میں میں نے ان سے پوچھا کہ اے ابوہریرہ ؓ آپ نے بھی وہی دو سورتیں پڑھیں جو حضرت علی ؓ پڑھتے تھے؟ انہوں نے فرمایا کہ دراصل میرے محبوب! ابوالقاسم ﷺ نے یہی دو سورتیں پڑھی تھیں۔