صحیفہ ہمام بن منبہ رحمتہ اللہ علیہ
حضرت ابوہریرہ ؓ سے مروی ہے کہ نبی کریم ﷺ بنوقینقاع کے بازار میں میرے ہاتھ سے سہارا لگائے ہوئے نکلے وہاں کا چکر لگا کر نبی کریم ﷺ جب واپس آئے تو حضرت فاطمہ ؓ کے گھر کے صحن میں پہنچ کر حضرت حسن ؓ کو آوازیں دینے لگے او بچے او بچے۔ حضرت حسن ؓ آگئے وہ آتے ہی دوڑتے ہوئے نبی کریم ﷺ کے ساتھ چمٹ گئے نبی کریم ﷺ نے بھی انہیں اپنے ساتھ چمٹا لیا اور تین مرتبہ فرمایا اے اللہ میں اس سے محبت کرتا ہوں تو بھی اس سے محبت فرما اور اس سے محبت کرنے والوں سے محبت فرما حضرت ابوہریرہ ؓ کہتے ہیں کہ میں جب بھی حضرت حسن ؓ کو دیکھتا ہوں میری آنکھوں میں آنسو آجاتے ہیں۔