حضرت عبداللہ بن عمر ؓ کی مرویات
سعد بن عبیدہ (رح) کہتے ہیں کہ حضرت ابن عمر ؓ نے ایک آدمی کو یہ کہتے ہوئے سنا کہ آج رات مہینے کا نصف ہوگا حضرت ابن عمر ؓ نے فرمایا تمہیں کیسے پتہ چلا کہ یہ مہینہ کا نصف ہے بلکہ یوں کہو کہ پندرہ تاریخ ہے میں نے نبی کریم ﷺ کو یہ فرماتے ہوئے سنا ہے کہ کبھی مہینہ اتنا، اتنا اور اتنا بھی ہوتا ہے تیسرے مرتبہ راوی نے اس انگلی کو بند کرلیا جو پچاس کے عدد کی نشاندہی کرتی ہے۔