حضرت عبداللہ بن عمر ؓ کی مرویات
مصعب بن سعد (رح) کہتے ہیں کہ ایک مرتبہ حضرت ابن عمر ؓ ابن عامر کے پاس ان کی بیمار پرسی کے لئے آئے ابن عامر نے ان سے کہا کہ آپ میرے لئے دعاء کیوں نہیں فرماتے؟ حضرت ابن عمر ؓ نے فرمایا کہ میں نے نبی کریم ﷺ یہ فرماتے ہوئے سنا ہے کہ اللہ تعالیٰ مال غنیمت میں سے چوری کی ہوئی چیز کا صدقہ قبول نہیں کرتا اور نہ ہی طہارت کے بغیر نماز قبول کرتا ہے اور تم بصرہ کے گورنر رہ چکے ہو۔