حضرت عبداللہ بن عمر ؓ کی مرویات
علی بن عبدالرحمن (رح) کہتے ہیں کہ ایک مرتبہ حضرت ابن عمر ؓ نے مجھے دوران نماز کھیلتے ہوئے دیکھا تو نماز سے فارغ ہو کر مجھے اس سے منع کرتے ہوئے فرمایا نماز میں اسی طرح کیا کرو جیسے نبی کریم ﷺ کرتے تھے میں نے پوچھا کہ نبی کریم ﷺ کس طرح کرتے تھے؟ انہوں نے فرمایا کہ نبی کریم ﷺ جب نماز میں بیٹھتے تو دائیں ہتھیلی کو دائیں ران پر رکھ کر تمام انگلیاں بند کرلیتے تھے اور انگوٹھے کے ساتھ والی انگلی سے اشارہ فرماتے تھے اور بائیں ہتھیلی کو بائیں ران پر رکھتے تھے۔