حضرت عبداللہ بن عمر ؓ کی مرویات
مسلم بن یناق (رح) کہتے ہیں کہ ایک مرتبہ حضرت ابن عمر ؓ نے ایک آدمی کو تہبند گھسیٹتے ہوئے دیکھا تو اس سے پوچھا کہ تمہارا تعلق کہاں سے ہے؟ اس نے اپنا نسب بیان کیا تو پتہ چلا کہ اس کا تعلق بنولیث سے ہے اور حضرت ابن عمر ؓ نے اسے شناخت کرلیا پھر فرمایا کہ میں نے اپنے دونوں کانوں سے نبی کریم ﷺ کو یہ فرماتے ہوئے سنا ہے کہ جو شخص تکبر کی وجہ سے اپنے کپڑے زمین پر کھینچتا ہوا چلتا ہے اللہ اس پر قیامت کے دن نظر رحم نہیں فرمائے گا۔