حضرت عبداللہ بن عمر ؓ کی مرویات
حضرت ابن عمر ؓ سے مروی ہے کہ نبی کریم ﷺ جب غزوہ حنین سے واپس آ رہے تھے تو راستے میں حضرت عمر ؓ نے ان سے زمانہ جاہلیت کی اس منت کی متعلق پوچھا جو انہوں نے ایک دن کے اعتکاف کے حوالے سے مانی تھی نبی کریم ﷺ نے انہیں اپنی منت پوری کرنے کا حکم دیا اور حضرت عمر ؓ وہاں سے روانہ ہوگئے اور میرے ساتھ اپنی اس باندی کو بھیج دیا جو انہیں غزوہ حنین میں ملی تھی میں نے اسے ایک دیہاتی کے گھر میں ٹھہرایا اچانک میں نے دیکھا کہ غزوہ حنین کے ساری قیدی نکل کر بھاگے چلے جا رہے ہیں اور کہتے جا رہے ہیں کہ نبی کریم ﷺ نے ہمیں آزاد کردیا حضرت عمر ؓ نے بھی عبداللہ سے کہا کہ جا کر اسے آزاد کردو چناچہ میں نے جا کر اس باندی کو بھی چھوڑ دیا۔