حضرت عبداللہ بن مسعود ؓ کی مرویات
ایک مرتبہ حضرت ابن مسعود ؓ حضرت ابوموسی اشعری ؓ کے پاس ان کے گھر تشریف لے گئے، نماز کا وقت آیا تو حضرت ابو موسیٰ اشعری ؓ کہنے لگے اے ابو عبدالرحمن! آگے بڑھیے کیونکہ آپ ہم سے علم میں بھی بڑے ہیں اور عمر میں بھی بڑے ہیں، انہوں نے فرمایا نہیں آپ آگے بڑھیے، ہم آپ کے گھر اور آپ کی مسجد میں آئے ہیں، اس لئے آپ ہی کا زیادہ حق بنتا ہے، چناچہ حضرت ابو موسیٰ اشعری ؓ آگے بڑھ گئے اور جوتے اتار دیئے، جب نماز ختم ہونے پر انہوں نے سلام پھیرا تو حضرت ابن مسعود ؓ فرمانے لگے جوتے اتارنے کی کیا ضرورت ہے، کیا وادی مقدس میں تھے، میں نے نبی ﷺ کو موزوں اور جوتوں میں نماز پڑھتے ہوئے دیکھا ہے۔