حضرت عبداللہ بن مسعود ؓ کی مرویات
حضرت ابن مسعود ؓ سے مروی ہے کہ سبیعہ بنت حارث کے یہاں ان کے شوہر کی وفات کے صرف پندرہ دن بعد بچے کی ولادت ہوگئی، اس دوران ابوالسنابل ان کے یہاں گئے تو کہنے لگے کہ ایسا محسوس ہوتا ہے جیسے تم دوسری شادی کرنا چاہتی ہو؟ جب تک تم لمبی مدت والی عدت نہیں گذار لیتیں، تمہارے لئے دوسری کرنا جائز نہیں، سبیعہ نبی ﷺ کے پاس آئیں اور انہیں ابوالسنابل کی بات بتائی، نبی ﷺ نے فرمایا کہ ابوالسنابل سے غلطی ہوئی، اگر تمہارے پاس کوئی ایسا رشتہ آئے جو تمہیں پسند ہو تو مجھے آکر بتانا اور نبی ﷺ نے انہیں بتایا کہ ان کی عدت پوری ہوچکی ہے۔ گذشتہ حدیث اس دوسری سند سے مرسلاً بھی مروی ہے۔