حضرت عمر فاروق ؓ کی مرویات
حضرت یعلی بن امیہ ؓ کہتے ہیں کہ ایک مرتبہ میں نے حضرت عمر فاروق ؓ کے ساتھ طواف کیا، جب میں رکن یمانی پر پہنچا تو میں نے حضرت عمر ؓ کا ہاتھ پکڑ لیا تاکہ وہ استلام کرلیں، حضرت عمر ؓ نے فرمایا کیا آپ نے نبی ﷺ کے ساتھ کبھی طواف نہیں کیا؟ میں نے عرض کیا کیوں نہیں! فرمایا تو کیا آپ نے نبی ﷺ کو اس کا استلام کرتے ہوئے دیکھا ہے؟ میں نے کہا نہیں! فرمایا پھر اسے چھوڑ دو، کیونکہ جناب رسول اللہ ﷺ کی ذات میں تمہارے لئے اسوہ حسنہ موجود ہے۔