حضرت صفوان بن امیہ کی حدیثیں
حضرت صفوان بن امیہ سے مروی ہے کہ جنگ حنین کے دن نبی نے ان سے کچھ زرہیں عاریۃًطلب کیں، (اس وقت صفوان مسلمان نہ ہوئے تھے) انہوں نے پوچھا کہ اے محمد ﷺ، غصب کی نیت سے لے رہے ہو؟ نبی نے فرمایا نہیں، عاریت کی نیت سے، جس کا میں ضامن ہوں، اتفاق سے ان میں سے کچھ زرہیں ضائع ہوگئیں، نبی نے انہیں اس کے تاوان کی پیشکش کی لیکن وہ کہنے لگے یا رسول اللہ! آج مجھے اسلام میں زیادہ رغبت محسوس ہو رہی ہے۔