ام المومنین حضرت عائشہ صدیقہ ؓ کی مرویات
جمیع بن عمیر " جن کا تعلق بنوتیم اللہ بن ثعلبہ سے تھا " کہتے ہیں کہ ایک مرتبہ میں اپنی والدہ اور خالہ کے ساتھ حضرت عائشہ ؓ کے یہاں گیا، ان میں سے ایک نے حضرت عائشہ ؓ سے پوچھا کہ نبی ﷺ غسل کے وقت کیا کرتے تھے؟ انہوں نے فرمایا کہ نبی ﷺ پہلے تو نماز والا وضو فرماتے تھے، پھر تین مرتبہ سر پر پانی بہاتے تھے اور ہم اپنی مینڈھیوں کی وجہ سے اپنے سروں پر پانچ مرتبہ پانی بہاتے تھے۔